IT Officials: ప్రొద్దుటూరు బంగారు షాపుల్లో ఐటీ తనిఖీలు.. 300 కేజీల గోల్డ్ సీజ్?
ABN, First Publish Date - 2023-10-21T21:33:51+05:30
ప్రొద్దుటూరు బంగారు షాపుల్లో గత 3 రోజులుగా ఐటీ అధికారుల విస్తృత తనిఖీలు కొనసాగుతున్నాయి.
కడప: ప్రొద్దుటూరు బంగారు షాపుల్లో గత 3 రోజులుగా ఐటీ అధికారుల విస్తృత తనిఖీలు కొనసాగుతున్నాయి. ప్రముఖ జ్యూవెలరీ షాపుల్లో ఐటీ సోదాలు చేస్తోంది. బుశెట్టి జ్యూవెలరీ షాపులో భారీగా బంగారు ఆభరణాలను సీజ్ చేసినట్లు అధికారులు తెలిపారు. బుశెట్టి, గురురాఘవేంద్ర, తల్లం దుకాణాల్లో 300 కేజీలకు పైగా బంగారాన్ని సీజ్ చేసినట్లు సమాచారం. ఐటి అధికారులు ఇంకా అధికారికంగా వెల్లడించలేదు.
ఎలాంటి బిల్లులు, ఆధారాలు లేని బంగారాన్ని సీజ్ చేసినట్లు సమాచారం. సోదాలు జరుగుతున్న జ్యూవెలర్స్ షాపుల బయట సీఆర్పీఫ్ పోలీసులు మోహరించారు. బయట నుంచి కష్టమర్లను వెళ్లకుండా సీఆర్పీఫ్ బలగాలు చూస్తున్నాయి. ఐటీ దాడులతో చాలా జ్యూవెలరీ షాపులను యజమానులు మూసివేశారు. బంగారు వ్యాపారంలో రెండవ ముంబాయిగా చెప్పుకొనే ప్రొద్దుటూరులో ఐటి అధికారులు భారీగా బంగారం సీజ్ చేయడంపై కడప జిల్లాలో చర్చనీయాంశంగా మారింది.
Updated Date - 2023-10-21T21:36:50+05:30 IST