Vijayasai Reddy : నా బెయిల్ రద్దు చెయ్యాలని పురందేశ్వరి చెప్పడంలో అర్థమే లేదు
ABN, First Publish Date - 2023-11-06T12:44:23+05:30
బీజేపీ ఏపీ చీఫ్ పురందేశ్వరి తన బెయిల్ రద్దు చెయ్యాలని చెప్పడంలో అర్థం లేదని వైసీపీ ఎంపీ విజయసాయిరెడ్డి పేర్కొన్నారు. పురంధేశ్వరి ఆలోచనా విధానంలో పొరపాటు ఉందన్నారు. రిఫామ్స్ తీసుకువచ్చి త్వరితగతిన కేసులు పరిష్కరించాలన్నది బీజేపీ చేతుల్లోనే ఉందన్నారు.
ప్రకాశం : బీజేపీ ఏపీ చీఫ్ పురందేశ్వరి తన బెయిల్ రద్దు చెయ్యాలని చెప్పడంలో అర్థం లేదని వైసీపీ ఎంపీ విజయసాయిరెడ్డి పేర్కొన్నారు. పురంధేశ్వరి ఆలోచనా విధానంలో పొరపాటు ఉందన్నారు. రిఫామ్స్ తీసుకువచ్చి త్వరితగతిన కేసులు పరిష్కరించాలన్నది బీజేపీ చేతుల్లోనే ఉందన్నారు. త్వరితగతిన పరిష్కరించడానికి ఆస్తి కాదన్నారు. సంక్షేమ, అభివృద్ధి పథకాల అమలులో ఏపీ ముందంజలో ఉందన్నారు.
ఓటర్లే దీనికి తీర్పు ఇస్తారని విజయసాయిరెడ్డి పేర్కొన్నారు. ఏపీలో టీడీపీ, జనసేన కలిసి పోటీ చేస్తామని చెబుతున్నారని తెలిపారు. తెలంగాణాలో బీజేపీ, జనసేన కలిసి పోటీ చేస్తున్నాయన్నారు. విలువలు లేని పొత్తులు రాజకీయాల్లో చూస్తున్నామన్నారు. వైసీపీ ఒంటరిగానే పోటీ చేస్తోందన్నారు. ఒంగోలులో నకిలీ స్టాంపుల కుంభకోణంలో ఉన్న వారందరనీ పోలీసులు అరెస్టు చేస్తారని విజయసాయిరెడ్డి పేర్కొన్నారు.
Updated Date - 2023-11-06T12:44:24+05:30 IST