Chintamaneni Prabhakar: పోలవరాన్ని పూర్తి చేసేది బాబే
ABN, First Publish Date - 2023-08-07T18:18:41+05:30
పోలవరం ప్రాజెక్ట్‌ని రివర్సులో నడిపిస్తున్నారు. ప్రాజెక్టు నిర్వాసితులకు అదనంగా రూ. 5 లక్షలు ఇస్తామని జగన్ హామీ ఇచ్చారు.. అది ఏమైంది?, మేం కట్టిన పోలవరం నిర్వాసిత కాలనీలే తప్ప..
ఏలూరు: పోలవరం ప్రాజెక్టును టీడీపీ అధినేత చంద్రబాబే పూర్తి చేస్తారని ఆ పార్టీ సీనియర్ నేత, మాజీ ఎమ్మెల్యే చింతమనేని ప్రభాకర్ (Chintamaneni Prabhakar) తెలిపారు. చంద్రబాబుతో కలిసి పోలవరం ప్రాజెక్ట్‌ను సందర్శించారు. అనంతరం చింతమనేని మీడియాతో మాట్లాడారు. ‘‘పోలవరం ప్రాజెక్ట్‌ని రివర్సులో నడిపిస్తున్నారు. ప్రాజెక్టు నిర్వాసితులకు అదనంగా రూ. 5 లక్షలు ఇస్తామని జగన్ హామీ ఇచ్చారు.. అది ఏమైంది?, మేం కట్టిన పోలవరం నిర్వాసిత కాలనీలే తప్ప.. జగన్ ప్రభుత్వం ఏం కట్టలేదు. జగన్‌కు (CM Jagan) నిజాయితీ.. చిత్తశుద్ధి ఉంటే పోలవరం (Polavaram) నిర్వాసితులకిచ్చిన హామీని నిలబెట్టుకోవాలి. పోలవరం పర్యటన మేం పెట్టుకున్న రోజునే సీఎం జగన్ పర్యటన పెట్టుకున్నారు. ఓ దొంగలా జగన్ పోలవరం ముంపు గ్రామాల్లో పర్యటిస్తున్నారు. 175 స్థానాల్లో వైసీపీని తుక్కు తుక్కుగా ఓడించడానికి ప్రజలు సిద్ధంగా ఉన్నారు.’’ అని చింతమనేని పేర్కొన్నారు.
Updated Date - 2023-08-07T18:18:41+05:30 IST