అమిత్ షా వ్యాఖ్యలపై వైవీ సుబ్బారెడ్డి హాట్ కామెంట్స్...
ABN, First Publish Date - 2023-06-12T12:03:46+05:30
జ్ఞానాపురంలో, ఎర్నిమాంబ దేవాలయం, పునర్నిర్మాణ, ఆలయ శిఖర ప్రతిష్ట కార్యక్రమంలో నేడు వైవీ సుబ్బారెడ్డి పాల్గొన్నారు. ఈ సందర్భంగా తాజాగా ఏపీ గురించి అమిత్ షా చేసిన వ్యాఖ్యలపై వైవీ సుబ్బారెడ్డి హాట్ కామెంట్స్ చేశారు. బీజేపీ అగ్రనాయకత్వం టీడీపీ ట్రాప్‌లో పడిందన్నారు.
విశాఖపట్నం : జ్ఞానాపురంలో, ఎర్నిమాంబ దేవాలయం, పునర్నిర్మాణ, ఆలయ శిఖర ప్రతిష్ట కార్యక్రమంలో నేడు వైవీ సుబ్బారెడ్డి పాల్గొన్నారు. ఈ సందర్భంగా తాజాగా ఏపీ గురించి అమిత్ షా చేసిన వ్యాఖ్యలపై వైవీ సుబ్బారెడ్డి హాట్ కామెంట్స్ చేశారు. బీజేపీ అగ్రనాయకత్వం టీడీపీ ట్రాప్‌లో పడిందన్నారు. పసుపు కండువా మార్చి కాషాయ చొక్కాలు వేసుకున్న వాళ్ళు చెప్పిన మాటలను అమిత్ షా పలకడం దారుణమన్నారు. చిత్తశుద్ధితో నడుస్తున్న ప్రభుత్వంపై అమిత్ షా నిందలు వేశారన్నారు.
తొమ్మిదేళ్ల నరేంద్ర మోదీ పాలనలో ఆంధ్రప్రదేశ్ అభివృద్ధికి కేంద్రం ఏం చేసిందో చెప్పి అప్పుడు బీజేపీ ఉత్సవాలు జరుపుకుంటే బాగుండేదని వైవీ సుబ్బారెడ్డి అన్నారు. 2014-19మధ్య జరిగిన అవినీతిలో బీజేపీ భాగస్వామ్యం ఉందన్నారు. 2014 ఎన్నికల నాటి హామీలు ఏమయ్యాయో అమిత్ షా చెప్పాలన్నారు. స్టీల్ ప్లాంట్ కోసం కనీసం ఒక్క మాటైన చెప్పకుండా 20 పార్లమెంట్ సీట్లు ఇవ్వండని అడుగుతున్నారని వైవీ సుబ్బారెడ్డి పేర్కొన్నారు.
Updated Date - 2023-06-12T12:03:46+05:30 IST