Rajasthan Election 2023: ఎన్నికల ప్రచారంలో మోదీ కీలక ప్రకటన
ABN, First Publish Date - 2023-11-20T17:41:57+05:30
ప్రధాన మంత్రి నరేంద్ర మోదీ రాజస్థాన్‌లోని హనుమాన్‌గఢ్‌లో సోమవారం జరిగిన ఎన్నికల ప్రచార ర్యాలీలో మరో బిగ్ అనౌన్స్‌మెంట్ చేశారు. రాష్ట్రంలో బీజేపీ అధికారంలోకి వస్తే పీఎం కిసాన్ సమ్మాన్ నిధి కింద రైతులకు ప్రభుత్వం ఏటా రూ.12,000 ఇస్తుందని ప్రకటించారు.
జైపూర్: రాజస్థాన్ అసెంబ్లీ ఎన్నికల (Rajasthan Assembly Election) ప్రచారంలో గెలుపే లక్ష్యంగా బీజేపీ (BJP) అందివచ్చిన ఏ అవకాశాన్ని వదలడం లేదు. ఇప్పటికే మహిళా ఓటర్లను ఆకట్టుకునేందుకు ఎల్పీజీ సబ్సిడీ ఆఫర్‌ను ప్రకటించిన బీజేపీ మరింత దూకుడు పెంచింది. ప్రధాన మంత్రి నరేంద్ర మోదీ (Narendra Modi) రాజస్థాన్‌లోని హనుమాన్‌గఢ్‌లో సోమవారం జరిగిన ఎన్నికల ప్రచార ర్యాలీలో మరో బిగ్ అనౌన్స్‌మెంట్ చేశారు. రాష్ట్రంలో బీజేపీ అధికారంలోకి వస్తే పీఎం కిసాన్ సమ్మాన్ నిధి (PM Kian Samman Nidhi) కింద రైతులకు ప్రభుత్వం ఏటా రూ.12,000 ఇస్తుందని ఆయన ప్రకటించారు.
రాజస్థాన్ బీజేపీ రైతుల నుంచి కనీస మద్దతు ధరకు పంటలను కొనుగోలు చేస్తుందని, దీనికి అదనంగా బోనస్‌ ఇస్తుందని భరోసా ఇచ్చారు. రాజస్థాన్‌లో అధికంగా ఉన్న పెట్రోల్ ధరలపై బీజేపీ అధికారంలోకి వస్తే సమీక్ష జరుపుతుందని కూడా హామీ ఇచ్చారు. పేదలను మోసం చేసేవాళ్లను కటకటాల వెనక్కి పంపుతామన్నారు. 200 మంది సభ్యులున్న రాజస్థాన్ అసెంబ్లీకి నవంబర్ 25న ఒకే విడతలో పోలింగ్ జరుగనుంది. డిసెంబర్ 3న ఫలితాలు వెలువడతాయి.
Updated Date - 2023-11-20T17:41:58+05:30 IST