Sonia, Mamata: వచ్చే నెలలో చెన్నైకి సోనియా, మమత
ABN, First Publish Date - 2023-09-22T08:09:22+05:30
మాజీ ముఖ్యమంత్రి కరుణానిధి శతజయంతి వేడుకల్లో పాల్గొనేందుకు కాంగ్రెస్‌ అధినేత్రి సోనియాగాంధీ(Sonia Gandhi), పశ్చిమబెంగాల్‌
ప్యారీస్‌(చెన్నై): మాజీ ముఖ్యమంత్రి కరుణానిధి శతజయంతి వేడుకల్లో పాల్గొనేందుకు కాంగ్రెస్‌ అధినేత్రి సోనియాగాంధీ(Sonia Gandhi), పశ్చిమబెంగాల్‌ ముఖ్యమంత్రి మమతా బెనర్జీ(West Bengal Chief Minister Mamata Banerjee) వచ్చే నెల చెన్నైకి రానున్నారు. రాష్ట్రప్రభుత్వం తరఫున, డీఎంకే తరఫున కరుణానిధి శతజయంతి వేడుకలను నిర్వహిస్తున్న విషయం తెలిసిందే. డీఎంకే ఉపప్రధాన కార్యదర్శి, లోక్‌సభ సభ్యురాలు కనిమొళి తమ పార్టీ మహిళా విభాగం ఆధ్వర్యంలో కరుణ శతజయంతి వేడుకలను ఘనంగా నిర్వహించాలని నిర్ణయించారు. ఆ మేరకు అక్టోబరు 14న చెన్నైలో మహిళా మహానాడు, సదస్సు నిర్వహించనున్నారు. స్థానిక నందనం వైఎంసీఏ మైదానంలో నిర్వహించనున్న ఈ వేడుకల్లో పాల్గొనాలని సోనియాగాంధీ, మమతా బెనర్జీ, ఇండియా కూటమి నేతలను కనిమొళి ఆహ్వానించారు. ఆ మేరకు సోనియా, మమతా బెనర్జీ చెన్నై వచ్చేందుకు అంగీకరించినట్లు డీఎంకే వర్గాలు పేర్కొన్నాయి.
Updated Date - 2023-09-22T08:09:22+05:30 IST