TAUK: 'టాక్ లండన్ బోనాల' జాతర పోస్టర్ ఆవిష్కరించిన ఎమ్మెల్సీ కవిత
ABN, First Publish Date - 2023-06-04T08:37:30+05:30
తెలంగాణ అసోసియేషన్ ఆఫ్ యునైటెడ్ కింగ్డమ్(TAUK) ఆధ్వర్యంలో జూన్ 25న వెస్ట్ లండన్‌లోని సయన్ స్కూల్ ఆడిటోరియంలో నిర్వహిస్తున్న 'లండన్ బోనాల జాతర' పోస్టర్‌ను ఎమ్మెల్సీ కల్వకుంట్ల కవిత హైదరాబాద్‌లో ఆవిష్కరించారు.
లండన్: తెలంగాణ అసోసియేషన్ ఆఫ్ యునైటెడ్ కింగ్డమ్(TAUK) ఆధ్వర్యంలో జూన్ 25న వెస్ట్ లండన్‌లోని సయన్ స్కూల్ ఆడిటోరియంలో నిర్వహిస్తున్న 'లండన్ బోనాల జాతర' పోస్టర్‌ను ఎమ్మెల్సీ కల్వకుంట్ల కవిత హైదరాబాద్‌లో ఆవిష్కరించారు. మన తెలంగాణ రాష్ట్ర పండుగను ఖండాంతరాల్లో ఘనంగా నిర్వహించడమే కాకుండా, తెలంగాణ సంస్కృతిని ప్రపంచానికి చాటి చెప్పడానికి 'టాక్' సంస్థ చేస్తున్న కృషిని ఈ సందర్భంగా కవిత అభినందించారు. ఈ కార్యక్రమంలో ఎఫ్‌డీసీ చైర్మన్ మరియు టాక్ వ్యవస్థాపకుడు అనిల్ కూర్మాచలంతో పాటు వివిధ కార్పొరేషన్ల చైర్మన్లు తదితరులు పాల్గొన్నారు.
'టాక్' సంస్థ ఆవిర్భావం నుండి నేటి వరకు అన్ని సందర్భాల్లో వెన్నంటే ఉండి ప్రోత్సహిస్తున్న కవితకి టాక్ అధ్యక్షుడు రత్నాకర్ కడుదుల ప్రత్యేక కృతఙతలు తెలిపారు. కవితతో కేవలం పోస్టర్ ఆవిష్కరణ మాత్రమే కాకుండా, వారి ఆలోచలనకు ఆశయాలకు అనుగుణంగా మన సంస్కృతిని విశ్వవ్యాప్తం చేయడానికి అన్నిరకాలుగా కృషి చేస్తామని తెలిపారు. అలాగే ఎప్పటికప్పుడు వారి సలహాలు సూచనలతో ముందుకు వెళ్తామని మీడియాకి తెలియజేశారు. యూకేలో నివసిస్తున్న ప్రవాసులంతా బోనాల వేడుకలకు కుటుంబ సమేతంగా హాజరై విజయవంతం చేయాలని ఆయన కోరారు. ఈ కార్యక్రమంలో పాల్గొన్న వివిధ కార్పొరేషన్ల చైర్మన్లకు టాక్ అధ్యక్షుడు రత్నాకర్ ప్రత్యేకంగా కృతజ్ఞతలు తెలిపారు. ఇతర వివరాలకు www.tauk.org.uk వెబ్‌సైట్‌ని సంప్రదించాల్సిందిగా తెలిపారు.
Updated Date - 2023-06-04T08:37:30+05:30 IST