Viral Video: బాబోయ్.. ఇదేం ట్రక్కు.. ఇంత పొడవుందేంటి..? రెండు టైర్ల మధ్యలో కూడా ఓ డ్రైవర్..!

జాతీయ రహదారులపై ప్రయాణిస్తున్నప్పుడు పెద్ద పెద్ద ట్రక్కులు (Huge Trucks), లారీలను చూస్తుంటాం. ఒక్కోసారి మరీ భారీ ట్రక్కులను చూసి ఆశ్చర్యపోతుంటాం. అంత భారీ వాహనాలను ఎలా నడుపుతున్నారో అని నివ్వెరపోతుంటాం. ఈ వాహనాలను రివర్స్ చేయడం, యూటర్న్ తీసుకోవడం కూడా చాలా కష్టం. ప్రస్తుతం వైరల్ అవుతున్న ఓ వీడియో (Viral Video)లో రోడ్డుపై ప్రయాణిస్తున్న ఓ భారీ ట్రక్కు చాలా మందికి షాక్ కలిగిస్తోంది. ఆ భారీ ట్రక్కును ఇద్దరు డ్రైవర్లు (Two Drivers) నడుపుతున్నారు.

viralhog అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఈ వీడియోను అమెరికాలోని కెంటకీ రోడ్డులో చిత్రీకరించారు. ఈ వీడియోలో ఓ వ్యక్తి కారులో వెళుతూ ఓ ట్రక్కును వీడియో తీశాడు. ఆ ట్రక్కు చాలా పొడవుగా ఉంది. ఒకేసారి ఆ ట్రక్కు మొత్తాన్ని చూడడం చాలా కష్టం. ఆ ట్రక్కుకు రెండో డ్రైవర్ కూడా ఉన్నాడు. ఆ డ్రైవర్ ట్రక్కు రెండు చక్రాల మధ్య కూర్చుని స్టీరింగ్ తిప్పుతున్నాడు. ఈ వీడియో సోషల్ మీడియాలో వైరల్‌గా మారింది. ఈ వీడియోను లక్ష మందికి పైగా వీక్షించారు.

Viral: ఉద్యోగానికి దరఖాస్తు చేస్తే రిజెక్ట్ చేసిందో కంపెనీ.. రిప్లై లెటర్‌‌తోపాటు వచ్చిన గిఫ్టును చూసి అవాక్కైన నిరుద్యోగి..!

ఈ వీడియోపై నెటిజన్లు తమదైన శైలిలో స్పందిస్తున్నారు. ``ఇది నిజంగా బ్యాక్ సీట్ డ్రైవింగ్``, ``అతడు చాలా ప్రమాదకర పరిస్థితుల్లో కూర్చుని డ్రైవ్ చేస్తున్నాడు``, ``ఆ డ్రైవర్‌ భద్రత కోసం కనీస జాగ్రత్తలు కూడా తీసుకున్నట్టు లేదు``, ``అంత సాహసోపేతమైన పని చేస్తున్న డ్రైవర్‌కు జీతమెంతో`` అంటూ నెటిజన్లు కామెంట్లు చేస్తున్నారు.