Viral Video: అయ్యో అయ్యయ్యో.. కోడి కోసం వెళ్లి.. పులి బోనులో చిక్కుకున్నాడు.. ఊరి జనం ఆడేసుకున్నారు.!

ఇంటర్నెట్ డెస్క్: ఉత్తర ప్రదేశ్‌కు (Uttar Pradesh) చెందిన ఓ వ్యక్తికి సంబంధించిన వీడియో ఒకటి ప్రస్తుతం నెట్టింట తెగ వైరల్ అవుతుంది (Viral Video). ఆ వ్యక్తి పులి బోనులో చిక్కుకుని ఉండడం మనం ఆ వీడియోలో చూడొచ్చు. ఇంతకీ అతడు ఆ బోనులోకి ఎలా వెళ్లాడు? అసలు ఆ బోనులో ఏం ఉంది? మనోడు అందులో ఎలా చిక్కుకున్నాడు? అనే విషయాలు తెలియాంటే మనం ఈ స్టోరీ చదవాల్సిందే.

అసలేం జరిగిందంటే.. ఈ ఘటన ఉత్తర ప్రదేశ్‌ రాష్ట్రం ఔరంగాబాద్‌లో పరిధిలోని బులంద్‌షహర్‌లో జరిగింది. అగౌత పోలీస్ స్టేషన్ పరిధిలోని బిసుందర గ్రామం పరిసరాలలో చిరుత పులి తిరుగుతున్నట్లు అటవీశాఖ అధికారులు సమాచారం అందింది. దాంతో అధికారులు పులిని ట్రాప్ చేసేందుకు ఓ బోను ఏర్పాటు చేశారు. అందులో ఒక కోడిని కూడా ఉంచారు. అయితే, కొంచెం చీకటి పడగానే అదే గ్రామానికి చెందిన ఓ వ్యక్తి బోనులో ఉంచిన కోడి కోసం అందులోకి వెళ్లాడు.

ఇది కూడా చదవండి: గతేడాది రూ.25 కోట్ల లాటరీ గెలిచిన ఈ ఆటో డ్రైవర్.. ఇప్పుడు ఏం చేస్తున్నాడో.. ఎలాంటి పరిస్థితుల్లో ఉన్నాడో తెలిస్తే..

అంతే.. మనోడు అలా బోనులోకి వెళ్లగానే.. ఇలా దాని డోర్ మూసుకుపోయింది. దాంతో అతడు రాత్రంతా అందులోనే ఉండిపోయాడు. తెల్లవారుజామున అటుగా వెళ్లిన ఊరి జనాలు బోనులో ఉన్న వ్యక్తిని చూసి అటవీ శాఖ అధికారులకు సమాచారం అందించారు. అధికారులు వచ్చేవరకు ఊరి జనాలు మనోడితో ఓ ఆట ఆడేసుకున్నారు. ఫొటోలు, వీడియోలు తీయడం చేశారు. ఆ తర్వాత ఘటన తాలూకు ఓ వీడియో సోషల్ మీడియాలో ప్రత్యక్షం కావడంతో అది కాస్తా వైరల్ అయింది. దాంతో ఈ వార్త బయటకు తెలిసింది.

ఇది కూడా చదవండి: కరెన్సీ నోట్లపై గీతలు, రాతలుంటే చెల్లవు.. ఫ్యాక్ట్ చెక్‌లో ఏం తెలిందంటే..!