RCBvsLSG: సిక్స్ కొట్టి అవుటయ్యాడు.. వైరల్‌గా మారిన ఆయుష్ బదోని అవుట్..
ABN , First Publish Date - 2023-04-11T10:11:42+05:30 IST
సోమవారం రాత్రి బెంగళూరులోని చిన్నస్వామి స్టేడియంలో జరిగిన థ్రిల్లింగ్ మ్యాచ్‌లో బెంగళూరు రాయల్ ఛాలెంజర్స్‌పై లక్నో సూపర్ జెయింట్స్ జట్టు విజయం సాధించింది.
సోమవారం రాత్రి బెంగళూరులోని (Bengaluru) చిన్నస్వామి స్టేడియంలో జరిగిన థ్రిల్లింగ్ మ్యాచ్‌లో బెంగళూరు రాయల్ ఛాలెంజర్స్‌పై (RCB) లక్నో సూపర్ జెయింట్స్ (LSG) జట్టు విజయం సాధించింది. ఇరు జట్ల బ్యాట్స్‌మెన్ పరుగుల వరద పారించారు. మొదట బ్యాటింగ్ చేసిన బెంగళూరు జట్టు 20 ఓవర్లలో 2 వికెట్లు మాత్రమే కోల్పోయి 212 పరుగులు చేసింది. డుప్లెసిస్ (79 నాటౌట్‌), కోహ్లీ (61), మ్యాక్స్‌వెల్‌ (59) అర్ధసెంచరీలు సాధించారు. అనంతరం బ్యాటింగ్‌కు దిగిన లక్నో టీమ్ ఆరంభంలోనే టాపార్డర్ వికెట్లను కోల్పోయింది.
ఆ దశలో స్టోయినిస్ (65) భారీ మెరుపులు మెరిపించి లక్నోకు ఆశలు కల్పించాడు. అతడు అవుట్ అయిన తర్వాత పూరన్ (Nicholas Pooran) (62), బదోని (Ayush Badoni) (30) భారీ భాగస్వామ్యం నమోదు చేశారు. ఫోర్లు, సిక్స్‌లతో స్కోరు బోర్డును పరుగులెత్తించారు. అయితే వేవ్ పార్నెల్ వేసిన 19వ ఓవర్ నాలుగో బంతికి బదోని వెరైటీగా అవుటై పెవిలియన్ చేరాడు. ఆ బంతిని బదోనీ స్కూప్ షాట్ ఆడి సిక్స్ కొట్టాడు. ఆ క్రమంలో బ్యాలెన్స్ కోల్పోయి బ్యాట్‌తో వికెట్లను కొట్టేశాడు (Hit Wicket). దీంతో బదోనీ అవుటయ్యాడు.
RCB vs LSG: బెంగళూరు ఫ్యాన్స్‌పై గంభీర్ అసహనం.. సైలెన్స్ అంటూ సంజ్ఞలు.. వైరల్ అవుతున్న వీడియో!
బదోనీ అవుట్ కావడంతో హైడ్రామా చోటు చేసుకుంది. చివరి ఓవర్లో విజయం ఇరు జట్లతోనూ దోబూచులాడింది. చివరి బంతికి ఒక్క పరుగు చేయడంతో థ్రిల్లింగ్ మ్యాచ్‌లో లక్నో విజయం సాధించింది. దీంతో లక్నో ఆటగాళ్లు సంబరాల్లో మునిగిపోయారు.
