MS Dhoni Mobile: ధోనీ మొబైల్ ఉపయోగించడా? ఈ వీడియో చూస్తే నమ్మక తప్పదు..
ABN , First Publish Date - 2023-04-28T14:14:44+05:30 IST
ప్రస్తుతం ప్రపంచమంతా స్మార్ట్‌గా మారిపోయింది. స్మార్ట్ ఫోన్‌ల (Smart Phone) ద్వారానే చాలా పనులు సులభంగా అయిపోతున్నాయి. చిన్న వారి నుంచి పెద్ద వారి వరకు అందరూ స్మార్ట్ ఫోన్లతోనే కనిపిస్తున్నారు.
ప్రస్తుతం ప్రపంచమంతా స్మార్ట్‌గా మారిపోయింది. స్మార్ట్ ఫోన్‌ల (Smart Phone) ద్వారానే చాలా పనులు సులభంగా అయిపోతున్నాయి. చిన్న వారి నుంచి పెద్ద వారి వరకు అందరూ స్మార్ట్ ఫోన్లతోనే కనిపిస్తున్నారు. అయితే టీమిండియా మాజీ సారథి మహేంద్ర సింగ్ ధోనీ (MS Dhoni) మాత్రం మొబైల్ ఫోన్‌ను పెద్దగా వాడడట. గతంలో ఇదే విషయాన్ని విరాట్ కోహ్లీ (Virat Kohli) తెలిపాడు. ``నేను మాట్లాడదామనుకుని కాల్ చేస్తే.. 99% ధోనీ లిఫ్ట్ చేయడు. ఎందుకంటే ధోనీ పెద్దగా ఫోన్ వాడడ``ని గతంలో కోహ్లీ చెప్పాడు.
ధోనీ ఫోన్ వాడడని తెలిపే ఓ వీడియో ప్రస్తుతం సోషల్ మీడియాలో వైరల్ (Viral Video) అవుతోంది. ఆ వీడియో చూస్తే ఆశ్చర్యపోక తప్పదు. ఆ వీడియోలో చెన్నై సూపర్ కింగ్స్ (CSK) క్రికెటర్లందరూ ఓ బస్సులో స్టేడియం దగ్గరకు వచ్చారు. బస్సు దిగిన వెంటనే క్రికెటర్లందరూ తమ మొబైల్ ఫోన్లను ఒక బాక్సులో పెట్టేస్తున్నారు. అయితే ధోనీ మాత్రం ఆ బాక్సులో ఏమీ పెట్టలేదు. ధోనీ మొబైల్ క్యారీ చేయడు కాబట్టే ఆ బాక్సు దగ్గరకు వెళ్లకుండా నేరుగా వెళ్లిపోయాడని నెటిజన్లు కామెంట్లు చేస్తున్నారు (Dhoni Does Not Carry A Mobile Phone).
PBKSvsLSG: పంజాబ్, లక్నో మ్యాచ్‌ రద్దవుతుందా? వాతావరణం కారణం కాదు.. కానీ సమస్య ఏమిటంటే..
అంతర్జాతీయ క్రికెట్ నుంచి ఇప్పటికే వైదొలగిన 41 ఏళ్ల ధోనీ ప్రస్తుతం ఐపీఎల్ (IPL 2023) ఆడుతున్నాడు. తన జట్టును ముందుండి నడిపిస్తూ వరుస విజయాలు అందిస్తున్నాడు. ఈ ఐపీఎల్‌లో ఇప్పటివరకు 8 మ్యాచ్‌లు ఆడిన చెన్నై 5 విజయాలు సాధించి పాయింట్ల పట్టికలో మూడో స్థానంలో ఉంది. కాగా, ఈ సీజన్ తర్వాత ఐపీఎల్‌కు కూడా ధోనీ రిటైర్మెంట్ ప్రకటిస్తాడని వార్తలు వస్తున్నాయి.
