Shubman Gill: సూపర్ ఫామ్‌లో శుభ్‌మన్ గిల్.. మరోసారి సూపర్ బ్యాటింగ్‌తో హాఫ్ సెంచరీ!
ABN , First Publish Date - 2023-04-26T10:48:07+05:30 IST
గుజరాత్ యువ ఓపెనర్ శుభ్‌మన్ గిల్ అద్భుత ఫామ్ కొనసాగిసున్నాడు. మంగళవారం ముంబై ఇండియన్స్‌తో జరిగిన కీలక మ్యాచ్‌లో అర్ధ శతకం సాధించి స్కోరు బోర్డును పరుగులు పెట్టించాడు. ముఖ్యంగా అహ్మదాబాద్‌లోని నరేంద్ర మోదీ స్టేడియంలో అద్భుతంగా ఆడుతున్నాడు.
గుజరాత్ (GT) యువ ఓపెనర్ శుభ్‌మన్ గిల్ (Shubman Gill) అద్భుత ఫామ్ కొనసాగిసున్నాడు. మంగళవారం ముంబై ఇండియన్స్‌తో (MI) జరిగిన కీలక మ్యాచ్‌లో అర్ధ శతకం సాధించి స్కోరు బోర్డును పరుగులు పెట్టించాడు. ముఖ్యంగా అహ్మదాబాద్‌లోని (Ahmadabad) నరేంద్ర మోదీ స్టేడియంలో అద్భుతంగా ఆడుతున్నాడు. ఈ స్టేడియంలో గిల్‌కు అటు అంతర్జాతీయ క్రికెట్‌లోనూ, ఇటు ఐపీఎల్‌లోనూ (IPL 2023) మంచి రికార్డు ఉంది.
మంగళవారం ముంబైతో జరిగిన మ్యాచ్‌లో (MIvsGT) మరో ఓపెనర్ వృద్ధిమాన్ సాహా త్వరగానే ఔటైనా మరో ఎండ్‌లో శుభ్‌మన్ మాత్రం జోరు కొనసాగించాడు. 34 బంతుల్లో 7 ఫోర్లు, 1 సిక్స్‌తో 56 పరుగులు చేశాడు. ఆరో ఓవర్లో వరుసగా 4,4,6 కొట్టి జోరు ప్రారంభించాడు. ఈ ఐపీఎల్‌లో ఏడు మ్యాచ్‌లు ఆడిన గిల్ మొత్తం 284 పరుగులు చేశాడు. ఈ సీజన్‌లో అత్యధిక పరుగుల చేసిన వారి జాబితాలో ఐదో స్థానంలో ఉన్నాడు. 142 స్ట్రైక్ రేట్‌తో గిల్ పరుగులు సాధిస్తున్నాడు.
Sara Tendulkar: శుభ్‌మన్ గిల్ vs అర్జున్ టెండూల్కర్, సారా సపోర్ట్ ఎవరికి? నెటిజన్ల ఫన్నీ మీమ్స్!
ఇక, అహ్మదాబాద్‌లోని మోదీ స్టేడియంలో గిల్‌కు మంచి రికార్డు ఉంది. ఈ స్టేడియంలో మొత్తం గిల్ 244 ఐపీఎల్ పరుగులు చేశాడు. ఇక, అంతర్జాతీయ క్రికెట్‌కు సంబంధించి ఈ స్టేడియంలో గిల్ రికార్డు మరింత మెరుగ్గా ఉంది. ఈ ఏడాది మార్చిలో ఆస్ట్రేలియతో జరిగిన టెస్ట్ మ్యాచ్‌లో గిల్ 128 పరుగులు చేసింది ఈ స్టేడియంలోనే కావడం విశేషం.
