Etela Rajender: మోసకారి ఎవరైనా ఉంటే అది కేసీఆర్
ABN, First Publish Date - 2023-11-20T15:45:12+05:30
Telangana Elections: బీజేపీ అభ్యర్థి మిథున్ రెడ్డి ప్రచార ర్యాలీ, కార్నర్ మీటింగ్‌లో ఆ పార్టీ ఎమ్మెల్యే ఈటెల రాజేందర్ పాల్గొన్నారు.
మహబూబ్‌నగర్: బీజేపీ అభ్యర్థి మిథున్ రెడ్డి (BJP Candidate Mithun Reddy) ప్రచార ర్యాలీ, కార్నర్ మీటింగ్‌లో ఆ పార్టీ ఎమ్మెల్యే ఈటెల రాజేందర్ (MLA Etela Rajender) పాల్గొన్నారు. ఈ సందర్భంగా ఆయన మాట్లాడుతూ... పాలమూరు ఎంపీగా సీఎం కేసీఆర్ (CM KCR) ఉన్నప్పుడే తెలంగాణా బిల్లు పాస్ అయ్యిందని.. కానీ ఇక్కడి మహిళలు, ప్రజల పేదరికం అట్లే ఉందని విమర్శించారు. మోసకారి ఎవరైనా ఉంటే అది కేసీఆర్ అని వ్యాఖ్యలు చేశారు. ఎన్నో మోసపు మాటలు చెప్పి పదేళ్లు మోసం చేసిన వ్యక్తి కేసీఆర్ అని అన్నారు. ‘‘మీ ఆశీర్వాదంతో బీజేపీ అధికారంలోకి వస్తే.. మీకు డబల్ బెడ్ రూమ్ ఇళ్లు కట్టిస్తాము. ఉద్యోగాల పేరుతో 30 లక్షల యువతను మోసం చేసి.. నోటిఫికేషన్‌లు ఇచ్చి పేపర్‌లు లీక్ చేసిన సంగతి తెలిసిందే. బీజేపీ అధికారంలోకి వచ్చాక ప్రతీ ఆరు నెలలకు ఒకసారి నోటిఫికేషన్.. జాబ్ కాలెండర్ ప్రకారం భర్తీ చేస్తాం. మమ్మల్ని ఆశీర్వదించండి.. కిలో తరుగు లేకుండా మీ ధాన్యాన్ని కొనుగోలు చేస్తాం’’ అని ఈటెల రాజేందర్ హామీ ఇచ్చారు.
మరిన్ని పోరు తెలంగాణ వార్తల కోసం ఇక్కడ క్లిక్ చేయండి
Updated Date - 2023-11-20T15:45:14+05:30 IST