Chamala Kiran: ఫాల్స్ ప్రచారం చేయడంలో కేటీఆర్ నెంబర్ వన్
ABN, First Publish Date - 2023-11-04T16:47:06+05:30
ఫాల్స్ ప్రచారం చేయడంలో మంత్రి కేటీఆర్ ( Minister KTR ) నెంబర్ వన్ అని పీసీసీ ఉపాధ్యక్షుడు చామల కిరణ్ ( Chamala Kiran ) ఎద్దేవ చేశారు.
హైదరాబాద్: ఫాల్స్ ప్రచారం చేయడంలో మంత్రి కేటీఆర్ ( Minister KTR ) నెంబర్ వన్ అని పీసీసీ ఉపాధ్యక్షుడు చామల కిరణ్ ( Chamala Kiran ) ఎద్దేవ చేశారు. శనివారం నాడు గాంధీభవన్‌లో ఆయన మీడియాతో మాట్లాడుతూ..‘‘డీకే శివకుమార్ ఓ కంపెనీకి లేఖ రాశారని కేటీఆర్ తప్పుడు మాటలు చెప్తున్నాడు. కాళేశ్వరం ఇష్యుని డైవర్ట్ చేయడం కోసం కేటీఆర్ ప్రయత్నం చేస్తున్నాడు. కాంగ్రెస్ పార్టీ మీద బురద జల్లే ప్రయత్నం చేస్తున్నారు. మా వార్ రూమ్ నుంచి డీకేతో మాట్లాడాము. డీకే లెటర్ హెడ్ ని ట్యాంపర్ చేశారని పోలీస్‌స్టేషన్‌లో కేసు కూడా నమోదయింది. కేటీఆర్ గ్రామస్థాయి, బూతుస్థాయి నాయకుడి లాగా మాట్లాడారు. కాంగ్రెస్ పార్టీని ఎలా బ్లేమ్ చేయాలనేదే కేటీఆర్ పనిగా పెట్టుకున్నారు. ఫేక్ న్యూస్, మార్ఫింగ్ చేసి తప్పుడు ప్రచారం చేస్తున్నారు. మేము ఓయూలో బస్సు పెట్టి కర్ణాటక రాష్ట్రానికి రావాలి అని సవాల్ విసిరినా కేటీఆర్, బీఆర్ఎస్ నేతలు స్పందించలేదు’’ అని చామల కిరణ దెప్పిపొడిశారు.
Updated Date - 2023-11-04T16:47:10+05:30 IST