CM KCR: కాంగ్రెస్‌తో జాగ్రత్తగా ఉండకపోతే.. వైకుంఠం ఆటలో పెద్ద పాము మింగినట్టే ఉంటది
ABN, First Publish Date - 2023-11-17T15:38:35+05:30
కాంగ్రెస్ పార్టీ ( Congress Party ) తో జాగ్రత్తగా ఉండకపోతే.. వైకుంఠం ఆటలో పెద్ద పాము మింగినట్టే ఉంటదని సీఎం కేసీఆర్ ( CM KCR ) హెచ్చరించారు. శుక్రవారం నాడు చొప్పదండిలో సీఎం కేసీఆర్ ప్రజాఆశీర్వాద సభ నిర్వహించారు. ఈ సందర్భంగా కేసీఆర్ మాట్లాడుతూ.. కాంగ్రెస్ పార్టీ మాటలు చాలా డేంజర్‌గా ఉన్నాయి. టీపీసీసీ అధ్యక్షుడు రేవంత్‌రెడ్డి మూడు గంటల కరెంట్ చాలని అంటున్నారని సీఎం కేసీఆర్ అన్నారు.
కరీంనగర్: కాంగ్రెస్ పార్టీ ( Congress Party ) తో జాగ్రత్తగా ఉండకపోతే.. వైకుంఠం ఆటలో పెద్ద పాము మింగినట్టే ఉంటదని సీఎం కేసీఆర్ ( CM KCR ) హెచ్చరించారు. శుక్రవారం నాడు చొప్పదండిలో సీఎం కేసీఆర్ ప్రజాఆశీర్వాద సభ నిర్వహించారు. ఈ సందర్భంగా కేసీఆర్ మాట్లాడుతూ..‘‘కాంగ్రెస్ పార్టీ మాటలు చాలా డేంజర్‌గా ఉన్నాయి. టీపీసీసీ అధ్యక్షుడు రేవంత్‌రెడ్డి మూడు గంటల కరెంట్ చాలు అంటున్నారు.10 హెచ్‌పీ మోటార్లు పెట్టుకోవాలని అంటున్నారు. ఈ మోటార్లు నీ అయ్య ఇస్తాడా..? 24 గంటల కరెంట్ కావాలా.. మూడు గంటల కరెంట్ కావాలా రైతులు ఆలోచించాలి. రైతు బంధు వద్దని ఇంకో కాంగ్రెస్ నేత చెప్తున్నాడు. ధరణి తీసేస్తామని అంటున్నారు..ఇది పెద్ద డేంజర్. కాంగ్రెస్ పార్టీ భూ భారతి అని కొత్తది తెస్తారట. కర్ణాటకలో బాగా మాట్లాడినరు.. కర్ణాటక సన్నాసులకు తెల్వదు.. మనం 24 గంటలు కరెంట్ ఇస్తున్నాం’’ అని సీఎం కేసీఆర్ పేర్కొన్నారు.
Updated Date - 2023-11-17T17:08:06+05:30 IST