Kodandaram: తుమ్మలకు సంపూర్ణ మద్దతు ప్రకటిస్తున్నా
ABN, First Publish Date - 2023-11-01T20:37:12+05:30
తెలంగాణ అసెంబ్లీ ఎన్నికల్లో ఖమ్మం నియోజకవర్గం నుంచి పోటీ చేస్తున్న కాంగ్రెస్ పార్టీ అభ్యర్థి, మాజీమంత్రి తుమ్మల నాగేశ్వరరావు ( Thummala Nageswara Rao ) కి టీజేఎస్ అధ్యక్షుడు, ప్రొఫెసర్ కోదండరాం ( Kodandaram ) సంపూర్ణ మద్దతు ప్రకటించారు.
ఖమ్మం: తెలంగాణ అసెంబ్లీ ఎన్నికల్లో ఖమ్మం నియోజకవర్గం నుంచి పోటీ చేస్తున్న కాంగ్రెస్ పార్టీ అభ్యర్థి, మాజీమంత్రి తుమ్మల నాగేశ్వరరావు ( Thummala Nageswara Rao ) కి టీజేఎస్ అధ్యక్షుడు, ప్రొఫెసర్ కోదండరాం ( Kodandaram ) సంపూర్ణ మద్దతు ప్రకటించారు. బుధవారం నాడు ఖమ్మంలో తెలంగాణ యువజన సింహగర్జన సభ నిర్వహించారు. ఈ సభలో కోదండరాం పాల్గొన్నారు. ఈ సందర్భంగా కోదండరాం మీడియాతో మాట్లాడుతూ...‘‘తుమ్మల విజయం కోసం సంఘీభావంగా ఈ సభకు వచ్చాను. తెలంగాణ రాష్ట్ర ఏర్పాటుతో జీవితాలు మారుతాయని కలలు కన్న యువతకు సీఎం కేసీఆర్ అన్యాయం చేశారు. టీఎస్పీఎస్సీ వైఫల్యం అవినీతి ప్రభుత్వం వల్ల ప్రవళిక ఆత్మహత్య చేసుకుంది. బీఆర్ఎస్ ప్రభుత్వం యువత భవిష్యత్తు నాశనం చేస్తూ.. ఊరూరా బెల్ట్ షాప్‌లు పెట్టీ మద్యానికి బానిసలుగా మార్చింది. అవినీతి అరాచక నియంత కేసీఅర్ ప్రభుత్వాన్ని గద్దె దించాలి. కాంగ్రెస్ పార్టీ గెలుపుతోనే ప్రజాస్వామిక తెలంగాణ సాధ్యం’’ అని ప్రొ. కోదండరాం పేర్కొన్నారు.
Updated Date - 2023-11-01T20:37:12+05:30 IST