Telangana Elections: తెలంగాణ ప్రజలను ఉద్దేశించి రాహుల్, ప్రియాంక ట్వీట్
ABN, First Publish Date - 2023-11-30T09:10:26+05:30
Telangana Elections: తెలంగాణలో పోలింగ్ ఊపందుకుంది. ఉదయం నుంచే రాజకీయ, సినీ ప్రముఖులు పోలింగ్ కేంద్రాలకు తరలివచ్చి తమ తమ ఓటు హక్కును వినియోగించుకుంటున్నారు. సామాన్యులు కూడా పోలింగ్ కేంద్రాలకు క్యూ కట్టారు.
హైదరాబాద్: తెలంగాణ వ్యాప్తంగా పోలింగ్ (Telangana Elections) ఊపందుకుంది. ఉదయం నుంచే రాజకీయ, సినీ ప్రముఖులు పోలింగ్ కేంద్రాలకు తరలివచ్చి తమ తమ ఓటు హక్కును వినియోగించుకుంటున్నారు. సామాన్యులు కూడా పోలింగ్ కేంద్రాలకు క్యూ కట్టారు. తెలంగాణలో ఎన్నికల నేపథ్యంలో రాష్ట్ర ప్రజలను ఉద్దేశించి కాంగ్రెస్ అగ్రనేతలు రాహుల్ గాంధీ (Rahul Gandhi), ప్రియాంక గాంధీ (Priyanka Gandhi) ట్వీట్ చేశారు. నా తెలంగాణ సోదరసోదరీమణులారా పెద్ద ఎత్తున తరలివచ్చి ఓటు హక్కును వినియోగించుకోవాలని ఇరువురు నేతలు కోరారు.
రాహుల్ ట్వీట్ ఇదే...
‘‘నేడు దొరలపై ప్రజలు గెలవబోతున్నారు. నా తెలంగాణ సోదరసోదరీమణులారా! రండి.. అధిక సంఖ్యలో ఓటింగ్‌లో పాల్గొనండి. బంగారు తెలంగాణ నిర్మాణం కోసం ఓటేయండి’’ అంటూ రాహుల్ ట్వీట్ చేశారు.
ప్రియాంక గాంధీ ట్వీట్..
‘‘నా తెలంగాణ సోదర సోదరీమణులారా.. మా తల్లులారా.. పిల్లలారా. మీరు బాగా ఆలోచించి పూర్తి ఉత్సాహంతో, శక్తితో ఓటు వేయాలని విజ్ఞప్తి చేస్తున్నా. ఓటు వేయడం మీ హక్కు. అది మీ అతిపెద్ద బాధ్యత. ఓటు బలంతో ప్రజల తెలంగాణ కలను సాకారం చేసి చూపండి. అభినందనలు. జై తెలంగాణ. జై హింద్’’ అంటూ ట్వీట్ చేశారు.
మరిన్ని పోరు తెలంగాణ వార్తల కోసం ఇక్కడ క్లిక్ చేయండి
Updated Date - 2023-11-30T10:53:42+05:30 IST