Revanth Reddy: గద్దరన్నను కూడా కేసీఆర్ ఎర్రటి ఎండలో బయట నిలబెట్టారు
ABN, First Publish Date - 2023-11-24T22:06:30+05:30
ప్రజా యుద్ధనౌక గద్దరన్నను కూడా లోపలికి రానీయకుండా సీఎం కేసీఆర్ ( CM KCR ) ఎర్రటి ఎండలో బయట నిలబెట్టారని టీపీసీసీ అధ్యక్షుడు రేవంత్‌రెడ్డి ( Revanth Reddy ) వ్యాఖ్యానించారు.
సూర్యాపేట: ప్రజా యుద్ధనౌక గద్దరన్నను కూడా లోపలికి రానీయకుండా సీఎం కేసీఆర్ ( CM KCR ) ఎర్రటి ఎండలో బయట నిలబెట్టారని టీపీసీసీ అధ్యక్షుడు రేవంత్‌రెడ్డి ( Revanth Reddy ) వ్యాఖ్యానించారు. శుక్రవారం నాడు తుంగతుర్తి బహిరంగ సభలో రేవంత్ మాట్లాడుతూ...‘‘నీళ్లు, నిధులు, నియామకాల కోసం తెచ్చుకున్న రాష్ట్రంలో నీళ్లను జగన్ తీసుకెళ్లాడు. నిధులు మెగా కృష్ణారెడ్డి, కేసీఆర్ తీసుకెళ్లారు.. నియామకాలు కేసీఆర్ కుటుంబానికే పరిమితమయ్యాయి తప్ప నిరుద్యోగుల కష్టాలు తీరలేదు. మనుమడిని మంత్రిని చేసేటందుకే కేసీఆర్ మూడోసారి అవకాశం ఇవ్వాలంటుండు.. పది ఎకరాల్లో నిర్మించుకున్న కేసీఆర్ గడీలోకి పేదలకు ప్రవేశం లేదు. పేదోడి చెమట వాసన ఎట్లుంటదో కేసీఆర్‌కు తెలియదు. నన్ను రానివ్వకపోయినా సరే, అమరవీరుల కుటుంబాలకు కూడా ప్రగతి భవన్‌లోకి ప్రవేశం లేదు’’ అని రేవంత్‌రెడ్డి తీవ్ర ఆగ్రహం వ్యక్తం చేశారు.
Updated Date - 2023-11-24T22:06:31+05:30 IST