pawan kalyan: జనసేన ఎక్కడా.?

హైదరాబాద్: 2023 తెలంగాణ అసెంబ్లీ ఎన్నికల్లో కాంగ్రెస్ పార్టీ స్పష్టమైన ఆధిక్యాన్ని కొనసాగిస్తూ దూసుకుపోతోంది. హస్తం దెబ్బతో అనూహ్యంగా బీఆర్ఎస్ కుదేలయిపోయింది. బీజేపీ, ఎంఐఎం మూడు, నాలుగు స్థానాల్లో కొనసాగుతున్నాయి. మరో వైపు మంచి అంచనలతో తెలంగాణ ఎన్నికల్లో పోటీలోకి దిగిన జనసేనకు ఆశాజనకమైన స్వాగతం లభించలేదు. భారతీయ జనతా పార్టీతో పొత్తు పెట్టుకుని 8 స్థానాల్లో జనసేన పోటీలోకి దిగింది. కానీ ఎక్కడా పెద్దగా ప్రభావం చూపిన పరిస్థితులు మాత్రం కనిపించడం లేదు. ఒక్క కూకట్ పల్లిలో మాత్రం జనసేన అభ్యర్థి మూడో స్థానంలో కొనసాగుతున్నారు. 15 వేల ఓట్లకు పైగా ఇక్కడి జనసేన అభ్యర్థి ప్రేమ్ కుమార్ కి నమోదయ్యాయి. ఇక అశ్వరావుపేటలో కాంగ్రెస్ అభ్యర్థి విజయం సాధించగా.. జనసేన అభ్యర్థి అసలు పోటీలోనే కనిపించలేదు. అలాగే ఖమ్మం, కొత్తగూడెం, వైరా నియోజక వర్గాల్లో కూడా జనసేన నామమాత్రపు ప్రభావం కూడా చూపించక పోవడం.. ఆ పార్టీ శ్రేణులను నిరాశకు గురిచేసింది.