DK Sivakumar ఐదు గ్యారంటీలను కర్నాటకలో అమలు చేసి చూపించాం
ABN, First Publish Date - 2023-10-28T20:02:57+05:30
ఐదు గ్యారంటీలను కర్నాటకలో అమలు చేసి చూపించామని కాంగ్రెస్ సీనియర్ నేత, కర్ణాటక ఉప ముఖ్యమంత్రి డీకే శివకుమార్ ( DK Sivakumar ) స్పష్టం చేశారు.
వికారాబాద్‌: ఐదు గ్యారంటీలను కర్నాటకలో అమలు చేసి చూపించామని కాంగ్రెస్ సీనియర్ నేత, కర్ణాటక ఉప ముఖ్యమంత్రి డీకే శివకుమార్ ( DK Sivakumar ) స్పష్టం చేశారు. తాండూర్‌ నుంచి రెండో విడత కాంగ్రెస్ విజయభేరి యాత్ర శనివారం నాడు ప్రారంభమైంది. ఈ యాత్రలో టీపీసీసీ అధ్యక్షుడు రేవంత్‌రెడ్డి, డీకే శివకుమార్, ముఖ్యనేతలు పాల్గొన్నారు. తాండూర్‌, పరిగి, చేవెళ్లలో విజయభేరి యాత్ర కొనసాగనున్నది. డీకే శివకుమార్ సమంక్షలో పలు పార్టీల నేతలు కాంగ్రెస్‌లో చేరారు. మాజీ ఎమ్మెల్యే నారాయణరావు, మాజీ మున్సిపల్‌ చైర్మన్‌ లక్ష్మారెడ్డికి డీకే శివకుమార్ కండువా కప్పి పార్టీలోకి సాదరంగా ఆహ్వానించారు. ఈ సందర్భంగా డీకే శివకూమర్ మీడియాతో మాట్లాడుతూ...‘‘రాష్ట్రంపై ప్రేమతోనే సోనియాగాంధీ తెలంగాణ రాష్ట్రాన్ని ఇచ్చారు. తెలంగాణ ఇచ్చిన కాంగ్రెస్ పట్ల ప్రజలు కృతజ్ఞత చూపాలి. కాంగ్రెస్ ఏదైనా హామీ ఇచ్చిందంటే తప్పక నెరవేరుస్తుంది. కేసీఆర్‌ ఇచ్చిన హామీలు ఈ పదేళ్లలో నెరవేరాయా? కర్నాటకలో కాంగ్రెస్ ప్రభుత్వం అప్పుడే హామీలను అమలు చేస్తోంది.అనుమానం ఉంటే కేసీఆర్‌ వచ్చి చూసుకోవలి. డిసెంబర్‌ 9వ తేదీన రాష్ట్రంలో కాంగ్రెస్ ప్రభుత్వం ఏర్పడుతుంది’’ అని డీకే శివకుమార్ తెలిపారు.
Updated Date - 2023-10-28T20:02:57+05:30 IST