Bandi Sanjay: బీజేపీ జాతీయ ప్రధాన కార్యదర్శిగా బాధ్యతలు చేపట్టిన బండి సంజయ్
ABN, First Publish Date - 2023-08-04T12:01:12+05:30
బీజేపీ జాతీయ ప్రధాన కార్యదర్శిగా బండి సంజయ్ బాధ్యతలు స్వీకరించారు.
న్యూఢిల్లీ: బీజేపీ జాతీయ ప్రధాన కార్యదర్శిగా బండి సంజయ్ (BJP National General Secretary Bandi Sanjay) బాధ్యతలు స్వీకరించారు. శుక్రవారం ఉదయం ఢిల్లీలోని బీజేపీ జాతీయ ప్రధాన కార్యాలయంలో తనకు కేటాయించిన ఛాంబర్‌లో బండి ప్రత్యేక పూజలు చేశారు. జాతీయ ప్రధాన కార్యదర్శిగా బాధ్యతలు చేపట్టిన అనంతరం బండి సంజయ్ మీడియాతో మాట్లాడుతూ... తనను నమ్మి బీజేపీ జాతీయ ప్రధాన కార్యదర్శిగా బాధ్యతలు అప్పగించిన ప్రధాని మోడీ, కేంద్రమంత్రి అమిత్ షా, జేపీ నడ్డాకు కృతజ్ఞతలు తెలియజేశారు. రాబోయే రోజుల్లో పార్టీ ఏ పని అప్పగించినా బాధ్యతాయుతంగా పనిచేస్తామన్నారు. తెలంగాణలో రామరాజ్యం, మోడీరాజ్యం ఏర్పాటు కోసం కృషి చేస్తానని బండి సంజయ్ తెలిపారు.
మరోవైపు ఈరోజు బండి సంజయ్ హైదరాబాద్‌కు రానున్నారు. మధ్యాహ్నం 3:30గంలకు శంషాబాద్ ఎయిర్పోర్ట్‌కు బండి చేరుకోనున్నారు. బీజేపీ జాతీయ ప్రధాన కార్యదర్శిగా బాధ్యతలు స్వీకరించాక తొలిసారి బండి సంజయ్ రాష్ట్రానికి వస్తున్నారు. ఈ సందర్భంగా ఆయనకు ఘన స్వాగతం పలికేందుకు బీజేపీ క్యాడర్, బండి అభిమానులు భారీ ఏర్పాట్లు చేశారు. ఎయిర్పోర్ట్ నుండి ర్యాలీగా ఎస్‌ఆర్‌ క్లాసిక్ గార్డెన్స్‌కు బీజేపీ జాయతీ ప్రధాన కార్యదర్శి వెళ్లనున్నారు. సాయంత్రం శంషాబాద్ ఎస్సార్‌ క్లాసిక్ గార్డెన్స్‌లో మీట్ అండ్ గ్రీట్ కార్యక్రమంలో బండి పాల్గొంటారు. సాయంత్రం 6 గంలకు నాంపల్లి బీజేపీ కార్యాలయంలో బండి సంజయ్ ప్రెస్ మీట్ నిర్వహించనున్నారు.
Updated Date - 2023-08-04T12:04:37+05:30 IST