BJP : బండి సంజయ్, ఈటలకు హెలికాఫ్టర్ కేటాయించిన అధిష్టానం
ABN, First Publish Date - 2023-11-02T13:34:17+05:30
తెలంగాణలో ఎన్నికలు సమీపిస్తున్నాయి. పార్టీలన్నీ ప్రచారంలో బిజీబిజీగా గడిపేస్తున్నాయి. ఇక బీజేపీకి ఎన్నికల ప్రచారంలో ఎంపీ బండి సంజయ్, ఎమ్మెల్యే ఈటల రాజేందర్ కీలకంగా మారారు. వీరిద్దరి కోసం బీజేపీ అధినాయకత్వం ప్రత్యేకంగా ఓ హెలికాఫ్టర్‌ను సిద్ధం చేసింది.
హైదరాబాద్ : తెలంగాణలో ఎన్నికలు సమీపిస్తున్నాయి. పార్టీలన్నీ ప్రచారంలో బిజీబిజీగా గడిపేస్తున్నాయి. ఇక బీజేపీకి ఎన్నికల ప్రచారంలో ఎంపీ బండి సంజయ్, ఎమ్మెల్యే ఈటల రాజేందర్ కీలకంగా మారారు. వీరిద్దరి కోసం బీజేపీ అధినాయకత్వం ప్రత్యేకంగా ఓ హెలికాఫ్టర్‌ను సిద్ధం చేసింది. బండి సంజయ్ రోజుకు మూడు సభల్లో పాల్గొనేలా కార్యాచరణ రూపొందించింది. తమ నియోజకవర్గాల్లో ప్రచారానికి రావాలని బండి సంజయ్‌పై బీజేపీ అభ్యర్థులు ఒత్తిడి చేస్తున్నారు. కరీంనగర్‌లో ప్రచారం చేసుకుంటూనే.. వివిధ నియోజకవర్గాలలోనూ నిర్వహించనున్నారు. మరోవైపు బేగంపేట నుంచి హెలికాఫ్టర్‌లో ఈటల రాజేందర్ మహబూబాబాద్‌ బయలుదేరారు. నేడు అక్కడ ఆయన ప్రచారం నిర్వహించనున్నారు. అనంతరం నర్సింలపేట, గూడూరులో పబ్లిక్ మీటింగ్‌లో ఈటల పాల్గొననున్నారు. హెలికాప్టర్ ద్వారా 4:30 గంటలకు హైదరాబాద్‌కు ఈటల తిరుగు ప్రయాణం కానున్నారు.
Updated Date - 2023-11-02T13:34:19+05:30 IST