Danam Nagender: బీఆర్ఎస్ జెండా మోయని వారికి ‘డబుల్’ ఇళ్లు ఇవ్వం
ABN, First Publish Date - 2023-10-12T21:51:18+05:30
బీఆర్ఎస్(BRS) పార్టీ జెండా మోయని వారికి ‘డబుల్’ ఇళ్లు ఇవ్వమని ఖైరతాబాద్ ఎమ్మెల్యే దానం నాగేందర్(Danam Nagender) వివాదాస్పద వ్యాఖ్యలు చేశారు.
హైదరాబాద్: బీఆర్ఎస్(BRS) పార్టీ జెండా మోయని వారికి ‘డబుల్’ ఇళ్లు ఇవ్వమని ఖైరతాబాద్ ఎమ్మెల్యే దానం నాగేందర్(Danam Nagender) వివాదాస్పద వ్యాఖ్యలు చేశారు. గురువారం నాడు ఫిలింనగర్ బస్తీ క్యాడర్ సమావేశం నిర్వహించారు. ఈ సమావేశంలో దానం నాగేందర్ పాల్గొన్నారు. ఈసందర్భంగా దానం నాగేందర్ మాట్లాడుతూ..‘‘బీఆర్ఎస్ పార్టీ జెండా మోసిన వారికే డబుల్ బెడ్ రూం ఇళ్లు ఇస్తాం. కాళ్లు పైకి తల కిందికి పెట్టిన బీఆర్ఎస్ జెండా మోయని వారికి డబుల్ బెడ్ రూమ్ ఇల్లు ఇవ్వం. పార్టీలో ఎప్పుడు మొహం కనిపించని వారికి ఇళ్లు కట్టించినా నేనే దగ్గరుండి కూలకొట్టిస్తా. పార్టీ నేతలు కూడా అలాంటి వారికి ఇళ్లు ఇవ్వాలని కోరవద్దు. మా పార్టీ కోసం పనిచేసే వారికే మేము సహాయం చేస్తాం’’ అని దానం నాగేందర్ పేర్కొన్నారు.
Updated Date - 2023-10-12T21:51:18+05:30 IST