Minister Jagadish Reddy: 26న సూర్యాపేటలో జాబ్ మేళా
ABN, First Publish Date - 2023-09-22T20:50:30+05:30
ఈనెల 26వ తేదీన సూర్యాపేట జిల్లా కేంద్రంలోని సదాశివారెడ్డి ఫంక్షన్ హాల్లో టాస్క్ ఆధ్వర్యంలో జాబ్ మేళా(Job fair ) నిర్వహిస్తున్నట్లు మంత్రి జగదీష్‌రెడ్డి(Minister Jagadish Reddy) తెలిపారు.
సూర్యాపేట: ఈనెల 26వ తేదీన సూర్యాపేట జిల్లా కేంద్రంలోని సదాశివారెడ్డి ఫంక్షన్ హాల్లో టాస్క్ ఆధ్వర్యంలో జాబ్ మేళా(Job fair ) నిర్వహిస్తున్నట్లు మంత్రి జగదీష్‌రెడ్డి(Minister Jagadish Reddy) తెలిపారు. శుక్రవారం నాడు సూర్యాపేటలో గల ఐటీ హబ్‌లో జాబ్‌మేళా పోస్టర్ ఆవిష్కరించారు. ఈ సందర్భంగా మంత్రి మీడియాతో మాట్లాడుతూ.. అక్టోబర్ 2వ తేదీన మంత్రి కేటీఆర్ (Minister KTR) సూర్యాపేట పాత కలెక్టరేట్ కార్యాలయ భవనంలో ఉన్న ఐటీ హబ్‌ను ప్రారంభిస్తారు. 180 నుంచి 200 మంది నిపుణులకు ఉపాధి ఇవ్వడానికి 9 ఐటీ కంపెనీలు ముందుకు వచ్చాయి. ఈ అవకాశాన్ని అభ్యర్థులు సద్వినియోగం చేసుకోవాలి. అభ్యర్థులు మెగా జాబ్ మేళా‌ను విజయవంతం చేయాలి. యువతకు ఉద్యోగాలు కల్పించడమే లక్ష్యంగా బీఆర్ఎస్ ప్రభుత్వం పని చేస్తోంది. అర్హత కలిగిన వారు సంబంధిత సర్టిఫికెట్లతో వచ్చి జాబ్ మేళా కార్యక్రమాన్ని విజయవంతం చేయాలని మంత్రి జగదీష్‌రెడ్డి కోరారు.
Updated Date - 2023-09-22T21:19:45+05:30 IST