Rahul Gandhi: మణుగూరులో రాహుల్‌ రోడ్‌షోకు భారీ ఏర్పాట్లు
ABN, First Publish Date - 2023-11-16T13:26:06+05:30
అసెంబ్లీ ఎన్నికల ప్రచారంలో భాగంగా కాంగ్రెస్‌ అగ్రనేత రాహుల్‌గాంధీ(Rahul Gandhi) శుక్రవారం మణుగూరుకు
మణుగూరు(భద్రాద్రి కొత్తగూడెం): అసెంబ్లీ ఎన్నికల ప్రచారంలో భాగంగా కాంగ్రెస్‌ అగ్రనేత రాహుల్‌గాంధీ(Rahul Gandhi) శుక్రవారం మణుగూరుకు రానున్నారు. సీపీఐ బలపర్చిన పినపాక కాంగ్రెస్‌ అభ్యర్థి పాయం వెంకటేశ్వర్లు విజయాన్ని కాంక్షిస్తూ ఆయన రోడ్‌షో, స్ట్రీట్‌ మీటింగ్‌ల్లో పాల్గొనబోతున్నారు. ఈ మేరకు మణుగూరులోని కాంగ్రెస్‌ కార్యాలయంలో పాయం వెంకటేశ్వర్లు, సీపీఐ రాష్ట్ర నేత బీ అయోధ్య, డీసీసీబీ డైరక్టర్‌ తుళ్లూరి బ్రహ్మయ్య బుధవారం విలేకరుల సమావేశాన్ని నిర్వహించి రాహుల్‌ పర్యటన వివరాలు వెల్లడించారు. ఈ సందర్భంగా పాయం మాట్లాడుతూ పినపాక(Pinapaka)తో పాటు ఉమ్మడిజిల్లాల్లో కాంగ్రెస్‌ విజయం కోసం రాహుల్‌ ప్రచారం చేయబోతున్నారని, శుక్రవారం ఉదయం 10గంటలకు మణుగూరులో రోడ్‌ షో, ఆ తర్వాత స్ర్టీట్‌మీటింగ్‌లో పాల్గొంటారని తెలిపారు. ఈ సమావేశంలో కాంగ్రెస్‌, సీపీఐ శ్రేణులు, నియోజకవర్గ ప్రజలు అధిక సంఖ్యలో పాల్గొని తొలిసారి ఏజెన్సీ ప్రాంతంలో జరుగుతున్న రాహుల్‌ పర్యటనను విజయవంతం చేయాలని పిలుపునిచ్చారు.
Updated Date - 2023-11-16T14:00:42+05:30 IST