TS NEWS: ములుగు జిల్లాలో అనుమానాస్పదస్థితిలో వ్యక్తి మృతి
ABN, Publish Date - Dec 25 , 2023 | 05:42 PM
జిల్లాలోని మంగపేట మండలం మల్లూరు గుట్టలో ఆకా శ్రీను(42) అనే వ్యక్తి అనుమానస్పదస్థితిలో మృతి చెందాడు. ఆదివారం బంధువుల పుట్టువెంట్రుకలు తీయడం కోసం మల్లూరు లక్ష్మీ నరసింహాస్వామి గుట్టకు శ్రీను వచ్చాడు. స్నానానికి వెళ్లి శ్రీను కనిపించకుండా పోయాడు. సోమవారం (ఈరోజు) గుట్టపై ఎద్దుముక్కుతోగు వద్ద శవమై శ్రీను కనిపించాడు.
ములుగు: జిల్లాలోని మంగపేట మండలం మల్లూరు గుట్టలో ఆకా శ్రీను(42) అనే వ్యక్తి అనుమానాస్పదస్థితిలో మృతి చెందాడు. ఆదివారం బంధువుల పుట్టువెంట్రుకల కార్యక్రమానికి మల్లూరు లక్ష్మీ నరసింహాస్వామి గుట్టకు శ్రీను వచ్చాడు. స్నానానికి వెళ్లి శ్రీను కనిపించకుండా పోయాడు. సోమవారం (ఈరోజు) గుట్టపై ఎద్దుముక్కుతోగు వద్ద శవమై అతను కనిపించాడు. మృతుడి వీపు, ఛాతిపై గాయాలు కనిపిస్తున్నాయి. శ్రీను మృతిపై బంధువులు ఫిర్యాదు చేశారు. బంధువులు ఫిర్యాదు చేసిన వెంటనే పోలీసులు సంఘటన స్థలానికి వచ్చి వివరాలు సేకరించారు. క్లూస్ టీం సహాయంతో పరిసరాలను పరిశీలిస్తున్నారు. ఆలయం దగ్గరలోని సీసీ కెమెరాలను పోలీసులు ఆధారాల కోసం పరిశీలించారు. మృతదేహాన్ని పోస్టుమార్టం కోసం ప్రభుత్వ ఆస్పత్రికి తరలించారు. నిందితుడి కోసం పోలీసులు గాలింపు చర్యలు చేపట్టారు.
Updated Date - Dec 25 , 2023 | 05:42 PM
