AP News: స్కిల్ కేసులో బిగ్ అప్‌డేట్.. ఛార్జీ షీట్ దాఖలు చేసిన ఏసీబీ
ABN, Publish Date - Apr 04 , 2024 | 08:10 PM
విజయవాడ ఎసీబీ కోర్టులో స్కిల్ డెవలప్మెంట్ కేసులో ఏసీబీ అధికారులు గురువారం ఛార్జీ షీటు దాఖలు చేశారు. మాజీ ముఖ్యమంత్రి నారా చంద్రబాబు నాయుడు, కె. అచ్చెన్నాయుడు, గంటా సుబ్బా రావు, డాక్టర్ కే.లక్ష్మీనారాయణ తదితరుల పాత్ర ఉన్నట్లు అధికారులు ఛార్జీ షీట్‌లో పొందు పరిచారు.
అమరావతి : విజయవాడ ఎసీబీ కోర్టులో స్కిల్ డెవలప్మెంట్ కేసులో ఏసీబీ అధికారులు గురువారం ఛార్జీ షీటు దాఖలు చేశారు. మాజీ ముఖ్యమంత్రి నారా చంద్రబాబు నాయుడు, మంత్రులు కె. అచ్చెన్నాయుడు, గంటా సుబ్బా రావు, డాక్టర్ కే.లక్ష్మీనారాయణ తదితరుల పాత్ర ఉన్నట్లు అధికారులు ఛార్జీ షీట్‌లో పొందు పరిచారు. అయితే అందుకోసం కేటాయించిన నిధులను సీఎం చంద్రబాబు పక్కదారి పట్టించేందుకు కుట్ర పన్నారని స్పష్టం చేశారు.
ఈ కుట్రలో నాటి మంత్రితో పాటు గంటా శ్రీనివాస్ రావు పాత్ర కూడా ఉందన్నారు. రూ. 3300 కోట్లకు పెంచి.. ఆ రేటుతో ఆమోదించారని చెప్పారు. అయితే ఈ స్కిల్ డెవలప్మెంట్ సెంటర్‌ల ఏర్పాటు చేయడానికి సిమెన్స్, డిజైన్‌టెక్‌లకు రూ.371 కోట్ల గ్రాంట్‌ను ఏపీ ప్రభుత్వం ఇస్తున్నట్లు మంత్రి అచ్చెన్నాయుడు ఏకకాలంలో అవగాహన ఒప్పందానికి ఆమోదం తెలిపారన్నారు.
చంద్రబాబు నాయుడు, అచ్చెన్నాయుడు రూ.371లో ఎక్కువ భాగాన్ని స్వాహా చేశారని తెలిపారు. "సిమెన్స్" బ్రాండ్ పేరు ఉపయోగించి... రూ.3,300 ఉప ప్రాజెక్ట్‌ను ఏర్పాటు చేసినట్లు తప్పుడు ప్రచారం చేశారు. ప్రభుత్వ ఖజానా నుంచి కోట్లాది రూపాయిల సొమ్ము దుర్వినియోగమైంది. G.O.Ms.No.4 స్ఫూర్తికి విరుద్ధంగా, సీమెన్స్, డిజైన్‌టెక్ అందించిన "గ్రాంట్-ఇన్-ఎయిడ్"కి అనులోమానుపాతంలో డబ్బును విడుదల చేయడానికి బదులుగా.. చంద్రబాబు నాయుడు అన్నింటిని విడుదల చేయాలని అధికారులను ఆదేశించారు.
ఈ కుంభకోణం గురించి "విజిల్ బ్లోయర్" అవినీతి నిరోధక బ్యూరోకి నివేదించినప్పటికీ, 2018 జూన్‌లో ఆంధ్రప్రదేశ్ ప్రభుత్వం ఎలాంటి చర్యలు చేపట్ట లేదు. అంతేకాకుండా ఈ ప్రాజెక్టుకు సంబంధించిన కొన్ని ముఖ్యమైన నోట్ ఫైల్స్ సచివాలయం నుండి తొలగించబడ్డాయి. ఈ కేసులో ఎఫ్‌ఐఆర్‌ను రద్దు చేసేందుకు గౌరవనీయులైన సుప్రీంకోర్టు నిరాకరించింది. ఛార్జిషీట్ యొక్క నిర్ధారణల కాపీని ఎన్‌ఫోర్స్‌మెంట్ డైరెక్టరేట్‌కు సమర్పించడం జరిగిందని ఆ చార్జీ షీట్‌లో ఏసీబీ అధికారులు పొందు పరిచారు.
Updated Date - Apr 04 , 2024 | 08:56 PM
