Chandrababu: రేపు చంద్రబాబు ప్రమాణం.. రాజధాని గ్రామాల్లో సందడి
ABN, Publish Date - Jun 11 , 2024 | 09:27 AM
ఎన్డీఏ కూటమి ప్రభుత్వ ఏర్పాటుతో రాజధాని గ్రామాలలో సందడి వాతావరణం నెలకొంది. రాజధాని కోసం భూమిచ్చిన రైతులు దాదాపు ఐదేళ్ల పాటు తమ పోరాటాన్ని కొనసాగించారు. వైసీపీ ప్రభుత్వం కారణంగా నానా ఇబ్బందులు పడ్డారు. ఇప్పుడు ఏపీలో ఎన్డీఏ కూటమి ఘన విజయంతో రాజధాని గ్రామాల్లోని రైతులంతా పెద్ద ఎత్తున సంబరాలు చేసుకుంటున్నారు.
గుంటూరు: ఎన్డీఏ కూటమి ప్రభుత్వ ఏర్పాటుతో రాజధాని గ్రామాలలో సందడి వాతావరణం నెలకొంది. రాజధాని కోసం భూమిచ్చిన రైతులు దాదాపు ఐదేళ్ల పాటు తమ పోరాటాన్ని కొనసాగించారు. వైసీపీ ప్రభుత్వం కారణంగా నానా ఇబ్బందులు పడ్డారు. ఇప్పుడు ఏపీలో ఎన్డీఏ కూటమి ఘన విజయంతో రాజధాని గ్రామాల్లోని రైతులంతా పెద్ద ఎత్తున సంబరాలు చేసుకుంటున్నారు. రేపు చంద్రబాబు సీఎంగా ప్రమాణ స్వీకారం చేయనున్నారు.
ఈ నేపథ్యంలో రాజధాని గ్రామాల్లో ఆనందానికి అవధుల్లేకుండా పోయాయి. రాజధాని గ్రామ వాసులంతా ఎమ్మెల్యే , ఎంపీ అభ్యర్దులకు ఓట్లు వేసిన ప్రజలకు కృతజ్ఞతలు తెలియజేస్తున్నారు. ఈ క్రమంలోనే ఇంటింటికి తిరిగి స్వీట్ బాక్స్‌లు రాజధాని రైతులు పంపిణీ చేసి తమ ఆనందాన్ని పంచుకున్నారు. చంద్రబాబు ప్రమాణ స్వీకారంతో తిరిగి అమరావతికి పునర్జీవం వచ్చిందని చెబుతున్నారు. మొత్తానికి చంద్రబాబు రాకతో అమరావతికి మహర్దశ పట్టిందనే చెప్పాలి.
Updated Date - Jun 11 , 2024 | 09:36 AM
