AP NEWS: తిరుపతిలో రెచ్చిపోయిన దొంగలు... భారీగా బంగారం చోరీ
ABN, Publish Date - Feb 19 , 2024 | 08:48 PM
నగరంలో దొంగలు రెచ్చిపోయారు. తాళం వేసిన ఇళ్లే లక్ష్యంగా చేసుకొని దొంగతనాలకు పాల్పడుతున్నారు. ఓ ప్రైవేటు ఉద్యోగి ఇంటిలో సోమవారం నాడు భారీగా బంగారాన్ని చోరీ చేశారు. సుమారుగా 113 గ్రాముల బంగారు నగలను ఎత్తుకెళ్లారు.
తిరుపతి: నగరంలో దొంగలు రెచ్చిపోయారు. తాళం వేసిన ఇళ్లే లక్ష్యంగా చేసుకొని దొంగతనాలకు పాల్పడుతున్నారు. ఓ ప్రైవేటు ఉద్యోగి ఇంటిలో సోమవారం నాడు భారీగా బంగారాన్ని చోరీ చేశారు. సుమారుగా 113 గ్రాముల బంగారు నగలను ఎత్తుకెళ్లారు. వివరాల్లోకి వెళ్తే.. అలిపిరి పోలీస్ స్టేషన్ పరిధిలోని శివ జ్యోతి నగర్‌లో ఓ ప్రైవేట్ ఉద్యోగి కుటుంబం నివసిస్తోంది. అయితే అతను డ్యూటీకి వెళ్లడం.. బాధితుడు భార్య డెలివరీ కావడంతో ఆమె తల్లిదండ్రుల వద్దకు వెళ్లింది.
ఇదే అదునుగా భావించిన దొంగలు ఇంటి తాళాలు పగులగొట్టి లోపలకు చొరబడ్డారు. బీరువాలో ఉండే 113 గ్రాముల బంగారం, కొంత నగదు అపహరించుకుపోయారు. అతను ఇంటికి తిరిగి వచ్చేసరికి తలుపులు బద్దలు కొట్టి ఉండటం గమనించాడు. లోపలకు వెళ్లి చూడగా బీరువాలో ఉన్న బంగారం కనిపించలేదు. దాంతో వెంటనే స్థానిక పోలీసులకు ఫిర్యాదు చేశారు. సంఘటనా స్థలానికి క్లూస్ టీం, ఫింగర్ ప్రింట్ అధికారులు చేరుకొని ఆధారాలు సేకరిస్తున్నారు. బాధితుడు ఫిర్యాదు మేరకు అలిపిరి ఎస్ఐ రాజశేఖర్ కేసు నమోదు చేశారు.
మరిన్ని ఏపీ వార్తల కోసం ఇక్కడ క్లిక్ చేయండి..
Updated Date - Feb 19 , 2024 | 09:00 PM
