స్వచ్ఛాంధ్ర చైర్మన్‌గా పట్టాభి ప్రమాణస్వీకారం
ABN, Publish Date - Nov 19 , 2024 | 06:01 AM
స్వచ్ఛాంధ్ర కార్పొరేషన్‌ చైర్మన్‌గా కొమ్మారెడ్డి పట్టాభిరామ్‌ ప్రమాణస్వీకారం చేశారు.
విజయవాడ, నవంబరు 18( ఆంధ్రజ్యోతి ): స్వచ్ఛాంధ్ర కార్పొరేషన్‌ చైర్మన్‌గా కొమ్మారెడ్డి పట్టాభిరామ్‌ ప్రమాణస్వీకారం చేశారు. సోమవారం విజయవాడలోని తుమ్మలపల్లి కళాక్షేత్రంలో జరిగిన ఈ కార్యక్రమానికి మంత్రులు కొల్లు రవీంద్ర, కొండపల్లి శ్రీనివాసరావు, ఎంపీ కేశినేని శివనాథ్‌(చిన్ని), ఎమ్మెల్యేలు గద్దె రామ్మోహన్‌, బొండా ఉమ, సుజనా చౌదరి, నక్కా ఆనంద్‌బాబు, ఎమ్మెల్సీ అశోక్‌బాబుతోపాటు వందలాదిమంది అభిమానులు హాజరయ్యారు. ప్రమాణస్వీకారం అనంతరం పట్టాభిని నేతలు ఘనంగా సన్మానించారు. ఈ సందర్భంగా పట్టాభి మాట్లాడుతూ వచ్చే ఏడాది గాంధీ జయంతి(2025 అక్టోబరు 2) నాటికి దేశంలోనే స్వచ్ఛరాష్ట్రంగా ఏపీని నెంబర్‌ వన్‌ స్థానంలో నిలుపుతానని చెప్పారు.
Updated Date - Nov 19 , 2024 | 06:03 AM
