AP NEWS: సీఎం జగన్ సభకు మొహం చాటేసిన జనం.. ఖాళీ కుర్చీల‌తో వెల వెల‌బోయిన స్టేడియం
ABN, Publish Date - Jan 19 , 2024 | 06:24 PM
వైసీపీ ( YCP ) సామాజిక న్యాయ సంకల్ప సభకు ప్రజలు మొహం చాటేస్తున్నారు. సాక్ష్యాత్తు వైసీపీ అధినేత, సీఎం జగన్ (CM Jagan ) పాల్గొన్న సభకు కూడా ప్రజలు అయిష్టంగానే వస్తున్నారు.
విజయవాడ: వైసీపీ ( YCP ) సామాజిక న్యాయ సంకల్ప సభకు ప్రజలు మొహం చాటేస్తున్నారు. సాక్ష్యాత్తు వైసీపీ అధినేత, సీఎం జగన్ (CM Jagan ) పాల్గొన్న సభకు కూడా ప్రజలు అయిష్టంగానే వస్తున్నారు. వచ్చిన జనం కూడా నేతల ప్రసంగం వినకుండానే వెనుదిరుగుతున్నారు. ఇలాంటి ఘటనే విజయవాడలోని ఇందిరాగాంధీ మున్సిపల్ స్టేడియంలో చోటు చేసుకుంది. అయితే ఈ స్టేడియంలో మొదటగా సభ నిర్వహించడానికి అన్ని ఏర్పాట్లు చేశారు. ఈ సభకు ముఖ్యమంత్రి జగన్ మోహన్ రెడ్డి (CM Jagan ) కాసేపటి క్రితమే హాజరయ్యారు. జగన్ సభకు వివిధ ప్రాంతాల నుంచి ప్రజలను భారీగా స్టేడియానికి తరలించారు. వీరంతా జగన్ ప్రసంగం వినకుండానే ఇంటి దారి పడుతుండడంతో స్టేడియం ఖాళీ కుర్చీల‌తో వెల వెల‌బోయింది. ప్రజలు గోడ దూకి వెళ్లిపోతుండడంతో పోలీసులు వారిని ఆపేందుకు ప్రయత్నించిన ఆగకుండా వెళ్లిపోతున్నారు.
కాగా.. సభకు వచ్చిన వారికి స్టేడియం ఎదురు సందులో వైసీపీ నేతలు మద్యం సరఫరా చేశారు. మద్యం తాగి అక్కడే బాటిళ్లను వేసి సభకు రాకుండా వెళ్లిపోతున్నారు. సభ కోసం పోలీసులు బందర్ రోడ్డులో రాకపోకలు నిలిపి వేశారు. బందర్ రోడ్డులో రాకపోకలు నిలిపి వేయడంతో విజయవాడ వాసులు ఇక్కట్లు పడుతున్నారు. ప్రధాన రహదారి పక్క సంధుల నుంచి వాహనదారులు వెళ్తూ తీవ్ర అవస్థలకు గురవుతున్నారు. కొంతమంది వాహనదారులు ట్రాఫిక్‌లో ఇరుక్కుపోయి అల్లాడుతున్నారు.
Updated Date - Jan 19 , 2024 | 06:31 PM
