సమస్యల పరిష్కారంపై ప్రత్యేక శ్రద్ధ: ఎమ్మెల్యే

శిరివెళ్ల, అక్టోబరు 23(ఆంధ్రజ్యోతి): ఆళ్లగడ్డ నియోజకవర్గంలోని ప్రజల సమస్యల పరిష్కారంపై ప్రత్యేక శ్రద్ధ తీసుకుంటున్నట్లు ఎమ్మెల్యే భూమా అఖిలప్రియ అన్నారు. సీఎం చంద్రబాబు నాయుడు ఆదేశాల మేరకు శిరివెళ్లలోని ఎంపీడీవో కార్యాలయంలో ప్రజా సమస్యల పరిష్కార వేదిక కార్యక్రమాన్ని బుధవారం నిర్వహించారు. మండలంలోని పలు గ్రామాలకు చెందిన ప్రజలు తమ సమస్యలను ఎమ్మెల్యే దృష్టికి తీసుకెళ్లారు. ప్రజల నుంచి వచ్చిన ప్రతి అర్జీని ఎమ్మెల్యే క్షుణ్ణంగా పరిశీలించారు. అర్జీదారుల సమస్యలను సంబంధిత శాఖ అధికారులు, ప్రభుత్వం దృష్టికి తీసుకెళ్లి త్వరగా పరిష్కరిస్తామని ఎమ్మెల్యే హామీ ఇచ్చారు. ఎంపీడీవో శివమల్లేశ్వరప్ప, తహసీల్దార్‌ పుష్పకుమారి, టీడీపీ మండల కన్వీనర్‌ కాటంరెడ్డి శ్రీకాంత్‌రెడ్డి, మాజీ జడ్పీటీసీ యామా గుర్రప్ప, సూరా రామ, బీసీ ఖాజా హుసేన్‌, ఫిదా హుసేన్‌, అజీస్‌, మోహన్‌రెడ్డి, బాలచంద్రుడు, శ్రీనివాసులు, వెంకట సుబ్బయ్య, కరీం, శ్రీనివాసరెడ్డి, జయరామిరెడ్డి, లక్ష్మీరెడ్డి, నాగేశ్వరరావు, మహేష్‌ పాల్గొన్నారు.

దొర్నిపాడు: గుండుపాపలలో గ్రామసభ నిర్వహించారు. తహసీల్దార్‌ సుభద్ర, టీడీపీ నాయకులు కాశీవిశ్వనాథ్‌రెడ్డి, సర్పంచ్‌ వెంకటేశ్వర్లు, బుజ్జి, మల్లేశ్వర్‌రెడ్డి, డిప్యూటీ తహసీల్దార్‌ మాధవ్‌, మండల సర్వేయర్‌ నాగప్రసాద్‌, వీఆర్వో మురళీ తదితరులు ఉన్నారు.

రుద్రవరం: చిన్నకంబలూరులో గ్రామసభ నిర్వహించారు. డిప్యూటీ తహసీల్దారు చంద్ర శేఖరయ్య, వీఆర్వోలు తదితరులు పాల్గొన్నారు.

కొలిమిగుండ్ల: బెలుంశింగవరంలో గ్రామసభ నిర్వహించి రైతుల నుంచి అర్జీలు స్వీకరించారు. మండల సర్వేయర్‌ సరిత, వీఆర్వో నారాయణరెడ్డి, రెవిన్యూ సిబ్బంది, టీడీపీ నాయకులు డి.శంకరరెడ్డి, కట్టుబడి రామ్మోహన్‌, నాగేశ్వరరెడ్డి, పెద్ద రామసుబ్బారెడ్డి, వెంకటరామిరెడ్డి, వెంకటేశ్వరరెడ్డి, ఎమ్మార్పీస్‌ కృష పాల్గొన్నారు.

అవుకు: చెన్నంపల్లెలో గ్రామ సభ నిర్వహించారు. డిప్యూటీ తహసీల్దార్‌ మల్లికార్జునరెడ్డి, ఆర్‌ఐ వెంగళరెడ్డి, సర్వేయర్‌ హరికృష్ణ, వీఆర్వో ఆదిలక్ష్మి, రైతులు పాల్గొన్నారు.

సంజామల: ఎగ్గోనిలో గ్రామసభ నిర్వహించారు. తహసీల్దార్‌ అనిల్‌ కుమార్‌, ఆర్‌ఎ్‌బీటీ తులసీకృష్ణ, కమ్యూనిటీ సర్వేయర్‌ కృష్ణయ్య, మండల సర్వేయర్‌ మల్లేశ్వరీ, సర్పంచ్‌ అశ్వద్‌ అలీ ఖాన్‌, విలేజ్‌ సర్వేయర్‌ మస్తాన్‌, వీఆర్వో గుర్రప్ప, తదితరులు పాల్గొన్నారు.

బేతంచెర్ల: అంబాపురంలో గ్రామసభ నిర్వహించారు. రీసర్వే డీటీ మహేశ్వరరెడ్డి, మండల సర్వేయర్‌ నాగరాజు నాయక్‌, వీఆర్వో వెంకటేశ్వర్లు, విలేజ్‌ సర్వేయర్‌ జయలక్ష్మి, సర్పంచ్‌ శ్రీనివాసులు యాదవ్‌, ఎంపీటీసీ రామచంద్రారెడ్డి, వీహెచ్‌ఏ సుధాకర్‌ రెడ్డి, సచివాలయ సిబ్బంది, ప్రజలు పాల్గొన్నారు.

ప్యాపిలి: మండలంలోని మాధవరంలో బుధవారం రెవెన్యు గ్రామసభ నిర్వహించారు. తహసీల్దారు భారతి, రెవెన్యు సిబ్బంది, రైతులు పాల్గొన్నారు.