AP News - TDP: నారా భువనేశ్వరి ‘నిజం గెలవాలి’ పర్యటనకు ఒక వారం పాటు విరామం.. కారణం ఇదే..
ABN, Publish Date - Mar 10 , 2024 | 12:16 PM
‘నిజం గెలవాలి’ పేరిట రాష్ట్రవ్యాప్తంగా పర్యటిస్తున్న టీడీపీ అధినేత నారా చంద్రబాబు నాయుడి సతీమణి నారా భువనేశ్వరి కార్యక్రమానికి ఒక వారం పాటు విరామం ప్రకటించారు. హెరిటేజ్ సంస్థ, ఎన్టీఆర్ ట్రస్ట్ మీటింగ్‌లు ఉండడంతో ఆమె ఈ నిర్ణయం తీసుకున్నారు. ఇప్పటివరకు 10 పర్యటనల ద్వారా మొత్తం 149 బాధిత కుటుంబాలను భువనేశ్వరి పరామర్శించి ఆర్థిక సాయాన్ని అందించారు.
అమరావతి: ‘నిజం గెలవాలి’ పేరిట రాష్ట్రవ్యాప్తంగా పర్యటిస్తున్న టీడీపీ అధినేత నారా చంద్రబాబు నాయుడి సతీమణి నారా భువనేశ్వరి కార్యక్రమానికి ఒక వారం పాటు విరామం ప్రకటించారు. హెరిటేజ్ సంస్థ, ఎన్టీఆర్ ట్రస్ట్ మీటింగ్‌లు ఉండడంతో ఆమె ఈ నిర్ణయం తీసుకున్నారు. ఇప్పటివరకు 10 పర్యటనల ద్వారా మొత్తం 149 బాధిత కుటుంబాలను భువనేశ్వరి పరామర్శించి ఆర్థిక సాయాన్ని అందించారు.
హెరిటేజ్ ఫుడ్స్ ఎండీగా ఆమె బాధ్యతల్లో ఉండడంతో ఈ వారంలో జరిగే బోర్డు మీటింగులకు హాజరుకావాల్సి ఉంది. మరోవైపు ఎన్టీఆర్ మెమోరియల్ ట్రస్ట్ నిర్వహణ పనులను కూడా పర్యవేక్షించాల్సి ఉంది. దీంతో ‘నిజం గెలవాలి’ పర్యటనకు వారం పాటు ఆమె విరామం ప్రకటించారు. అనంతరం యథావిథిగా మళ్లీ బాధిత కటుంబాలను భువనేశ్వరి కలవనున్నారు. కాగా స్కిల్ డెవలప్‌‌మెంట్ కేసులో చంద్రబాబు అరెస్ట్, జైలులో ఉన్న సమయంలో చనిపోయిన అభిమానులు, టీడీపీ శ్రేణుల కుటుంబాలను ‘నిజం గెలవాలి’ పేరిట ఆమె పరామర్శిస్తున్న విషయం తెలిసిందే.
Updated Date - Mar 10 , 2024 | 12:16 PM
