Nara Lokesh: మారని పోలీసుల తీరు!
ABN, Publish Date - Jun 12 , 2024 | 09:56 PM
ఆంధ్రప్రదేశ్ ముఖ్యమంత్రి నారా చంద్రబాబు నాయుడు రేపు (గురువారం) ఉదయం తిరుమల శ్రీవారిని దర్శించుకుంటారు. తిరుమల చేరుకొని అతిథి గృహం వద్ద బస చేశారు. సీఎం చంద్రబాబు బస చేసే అతిథి గృహం పక్కన పరదాలు కట్టారు. ఈ అంశంపై మంత్రి నారా లోకేశ్ స్పందించారు.
తిరుమల: ఆంధ్రప్రదేశ్ ముఖ్యమంత్రి నారా చంద్రబాబు నాయుడు రేపు (గురువారం) ఉదయం తిరుమల శ్రీవారిని దర్శించుకుంటారు. తిరుమల చేరుకొని అతిథి గృహం వద్ద బస చేశారు. అయితే సీఎం చంద్రబాబు బస చేసే అతిథి గృహం పక్కన పరదాలు కట్టారు. ఈ పరదాలపై స్పందించిన మంత్రి నారా లోకేశ్ సెటైర్లు వేశారు.
ఇక్కడ పరదాలు ఎందుకు కట్టారు..? అని ప్రశ్నించారు. ఈ పోలీసులు మారరు..? ఎన్నిసార్లు చెప్పిన వినిపించుకోవడం లేదంటూ.. మాజీ ముఖ్యమంత్రి వైఎస్ జగన్ వ్యవహరించిన ధోరణిని లోకేశ్ గుర్తుచేశారు. పోలీసు శాఖను ప్రక్షాళన చేయాల్సిన సమయం ఆసన్నమైందని ఈ సందర్భంగా లోకేశ్ అన్నారు. కాగా తిరుమలలో ఓ వైపు వర్షం పడుతున్నా సీఎం చంద్రబాబును చూసేందుకు కార్యకర్తలు పెద్ద సంఖ్యలో తరలి వచ్చారు. వారి వద్దకు వెళ్లి నారా లోకేశ్ పలకరించారు.
Updated Date - Jun 12 , 2024 | 10:09 PM
