Credit Card: క్రెడిట్ కార్డ్ ఉపయోగం వల్ల 10 లాభాలు.. అవి ఏంటంటే
ABN, Publish Date - Apr 05 , 2024 | 12:51 PM
మీరు ప్రతి నెల కూడా క్రెడిట్ కార్డు(credit card) వినియోగిస్తున్నారా? దీనిని వినియోగించడం ద్వారా నష్టాలు ఉంటాయని పలువురు చెబుతుంటారు. కానీ దీని వినియోగం ద్వారా అనేక లాభాలు ఉన్నాయని మీకు తెలుసా? తెలియదా అయితే ఇప్పుడు ఆ విశేషాలేంటో ఇప్పుడు చుద్దాం. క్రెడిట్ కార్డ్ వల్ల కలిగే 10 ప్రయోజనాల(benefits) గురించి ఇప్పుడు తెలుసుకుందాం.
మీరు ప్రతి నెల కూడా క్రెడిట్ కార్డు(credit card) వినియోగిస్తున్నారా? దీనిని వినియోగించడం ద్వారా నష్టాలు ఉంటాయని పలువురు చెబుతుంటారు. కానీ దీని వినియోగం ద్వారా అనేక లాభాలు ఉన్నాయని మీకు తెలుసా? తెలియదా అయితే ఇప్పుడు ఆ విశేషాలేంటో ఇప్పుడు చుద్దాం. క్రెడిట్ కార్డ్ వల్ల కలిగే 10 ప్రయోజనాల(benefits) గురించి ఇప్పుడు తెలుసుకుందాం.
చెల్లింపుల సౌలభ్యం
మీరు ఏ కొనుగోలు చేసినా కూడా ఈజీగా ఒక స్వైప్‌తో చెల్లింపులు చేసుకోవచ్చు. మీరు ఎక్కువ నగదును తీసుకెళ్లాల్సిన అవసరం లేదు.
తిరిగి చెల్లింపు
మీరు కొనుగోలు చేసిన లేదా మీ ఫోన్, విద్యుత్ లేదా గ్యాస్ బిల్లు, తీసుకున్న వస్తువులకు చెల్లింపులు చేసిన తర్వాత గడువు తేదీలోగా ఆ మొత్తాన్ని తిరిగి చెల్లించి ఎలాంటి పెనాల్టీ లేకుండా ఉండవచ్చు.
రీఛార్జ్, టికెట్ బుకింగ్ ఆఫర్లు
మీరు క్రెడిట్ కార్డ్ ద్వారా ఆన్‌లైన్ సేవలకు చెల్లింపుల్లో మంచి ఆఫర్లను పొందవచ్చు. ఉదాహరణకు మీరు విమాన టిక్కెట్‌ను బుక్ చేసుకోవాలనుకుంటే లేదా మీ మొబైల్‌కి రీఛార్జ్ చేయాలనుకుంటే, మీ ఖాతాలో తగినంత బ్యాలెన్స్ లేనప్పటికీ, మీరు వీటికి చెల్లింపు చేసుకోవచ్చు, డిస్కౌంట్లను కూడా పొందవచ్చు.
50 రోజుల వరకు
క్రెడిట్ కార్డ్ కొనుగోలు, చెల్లింపు మధ్య గ్రేస్ పీరియడ్ ఉంది. ఇది 50 రోజుల వరకు ఉంటుంది. ఈ కాలంలో బ్యాంకు మీ నుంచి ఎలాంటి వడ్డీని వసూలు చేయదు. దీని ద్వారా మీరు ఏదైనా పెద్ద కొనుగోలు చేయవలసి వస్తే, మీరు దానిని సులభంగా ఉపయోగించుకోవచ్చు.
రివార్డ్ పాయింట్లు
క్రెడిట్ కార్డ్ ద్వారా చెల్లింపులు చేయడం ద్వారా రివార్డ్ పాయింట్లను పొందవచ్చు. వాటిని మీరు ఉచిత షాపింగ్ ట్రిప్పులు లేదా ఉచిత విమాన టిక్కెట్లు వంటి వాటి కోసం రీడీమ్ చేసుకోవచ్చు
ఇంధన చెల్లింపుపై
మీరు క్రెడిట్ కార్డ్‌ల ద్వారా వివిధ రకాల చెల్లింపులు చేసినప్పుడు డిస్కౌంట్లు, క్యాష్‌బ్యాక్‌లను పొందుతారు. ప్రధానంగా అనేక బ్యాంకుల క్రెడిట్ కార్డుల ద్వారా ఇంధన చెల్లింపుపై ఇంధన సర్‌ఛార్జ్ చెల్లించాల్సిన అవసరం లేదు.
ఖర్చుల ట్రాకింగ్
క్రెడిట్ కార్డ్‌ని ఉపయోగించడం వల్ల మీరు ప్రతి నెలా మీ ఖర్చులను ట్రాక్ చేయవచ్చు. క్రెడిట్ కార్డ్ స్టేట్‌మెంట్ ద్వారా మీరు ఎక్కడ, ఎంత ఖర్చు చేస్తున్నారో తెలుసుకోవచ్చు.
సురక్షితమేనా?
మీరు ఎక్కడికి వెళ్లినా భారీ నగదును తీసుకెళ్లే బదులు క్రెడిట్ కార్డును తీసుకెళ్లడం సురక్షితం. మీ క్రెడిట్ కార్డ్ దొంగిలించబడినా లేదా మరచిపోయినా, మీరు బ్యాంకుకు ఫిర్యాదు చేయవచ్చు, దానిని బ్లాక్ చేసి మరొకటి తీసుకోవచ్చు.
క్రెడిట్ స్కోర్‌కు బలం
క్రెడిట్ కార్డ్ ఉపయోగం ద్వారా మీ క్రెడిట్ స్కోర్‌ను పెంచుకోవచ్చు. చాలా మందికి దీని గురించి తెలియదు, కానీ క్రెడిట్ కార్డ్ మీ క్రెడిట్ స్కోర్‌ను పెంచుతుంది. మీరు మీ క్రెడిట్ కార్డ్ బిల్లును సకాలంలో చెల్లిస్తే, అది మీ క్రెడిట్ స్కోర్‌ను పెంచుతుంది. మంచి క్రెడిట్ స్కోర్ మీరు సులంభంగా లోన్ పొందడానికి మీకు సహాయం చేస్తుంది.
అదనపు ప్రయోజనం
మీరు క్రెడిట్ కార్డ్‌పై అనేక ఇతర ప్రయోజనాలను కూడా పొందుతారు. ఉదాహరణకు నేడు దాదాపు ప్రతి బ్యాంక్ క్రెడిట్ కార్డ్ దాని కేటగిరీ ప్రకారం టర్మ్ ఇన్సూరెన్స్ లేదా యాక్సిడెంటల్ డెత్ కవర్‌ని అందిస్తుంది. దీని కోసం ప్రత్యేకంగా ప్రీమియం చెల్లించాల్సిన అవసరం లేదు.
ఇది కూడా చదవండి:
Hyd to Goa: కేవలం రూ.425తోనే గోవా ట్రిప్.. ఇది మీకు తెలుసా?
SBI: ఈ స్కీమ్‌లో ఒకేసారి పెట్టుబడి పెట్టండి.. ప్రతి నెలా అదనపు ఆదాయం పొందండి
మరిన్ని బిజినెస్ వార్తల కోసం
Updated Date - Apr 05 , 2024 | 12:52 PM
