Next Week IPOs: వచ్చే వారం హ్యుందాయ్ మోటార్ సహా రానున్న కీలక ఐపీఓలు..

దేశీయ స్టాక్ మార్కెట్లో(stock market) అక్టోబర్ 14 నుంచి ప్రారంభమయ్యే వారంలో మూడు IPOలు మార్కెట్‌లోకి ప్రవేశించబోతున్నాయి. వీటిలో హ్యుందాయ్ మోటార్ ఇండియా లిమిటెడ్ మెయిన్‌బోర్డ్ సెగ్మెంట్ ఐపీఓ. ఇది కాకుండా రెండు కంపెనీలు SME సెగ్మెంట్ IPOలు. SME విభాగంలో పెట్టుబడి పెట్టడం సాధారణ పెట్టుబడిదారులకు అంత సులభం కాదు. ఎందుకంటే కంపెనీ చిన్నది అయినప్పటికీ, సబ్‌స్క్రిప్షన్ కోసం ఎక్కువ డబ్బు అవసరం అవుతుంది. ఆయా కంపెనీల వివరాలు ఏంటి, ఈ ఐపీఓలు ఎప్పటి నుంచి అమల్లోకి వస్తున్నాయనే ఇతర వివరాలను ఇక్కడ తెలుసుకుందాం.

1. హ్యుందాయ్ మోటార్ ఐపీఓ

హ్యుందాయ్ మోటార్ ఐపీఓ అక్టోబర్ 15న సబ్‌స్క్రిప్షన్ కోసం తెరవబడుతుంది. అక్టోబర్ 17న ముగుస్తుంది. ఈ కంపెనీ IPO అక్టోబర్ 14న యాంకర్ ఇన్వెస్టర్ల కోసం తెరవబడుతుంది. యాంకర్ ఇన్వెస్టర్ల నుంచి కంపెనీ రూ.8,315.28 కోట్లు సమీకరించనుంది. హ్యుందాయ్ మోటార్ ఇండియా IPO ద్వారా 14.22 కోట్ల షేర్ల ద్వారా మొత్తం రూ.27,870.16 కోట్లను సమీకరించనుంది. ఈ నిధుల సేకరణ ఆఫర్ ఫర్ సేల్ (OFS) ద్వారా జరుగుతుంది. హ్యుందాయ్ మోటార్ ఇండియా దక్షిణ కొరియాకు చెందిన హ్యుందాయ్ మోటార్ కంపెనీ (HMC)కి 100% అనుబంధ సంస్థ. IPO తర్వాత HMILలో దాని మాతృ సంస్థ HMC వాటా 82.5%కి తగ్గుతుంది. అంటే ప్రమోటర్ కంపెనీ ఆఫర్ ఫర్ సేల్‌లో 17.5% వాటాలను విక్రయిస్తుంది.

ఉద్యోగులకు డిస్కౌంట్

హ్యుందాయ్ మోటార్ ఇండియా IPOలో ఉద్యోగులకు ఇష్యూ ధరపై రూ.186 తగ్గింపు ఉంది. రూ.186 తగ్గింపుతో కంపెనీ షేర్ల కోసం వేలం వేయడానికి వారు 778,400 షేర్ల వరకు రిజర్వేషన్‌లను పొందారు. ఈ కంపెనీ ప్రైస్ బ్యాండ్ ఒక్కో షేరుకు రూ.1,865-1,960గా నిర్ణయించబడింది. మీరు వేలం వేయడానికి కనీసం ఒక లాట్ కొనుగోలు చేయాలి. లాట్ పరిమాణం 7 షేర్లు. ఇలాంటి పరిస్థితుల్లో హ్యుందాయ్ మోటార్ ఇండియా IPOలో వేలం వేయడానికి రిటైల్ పెట్టుబడిదారులు కనీసం రూ.13,720 పెట్టుబడి పెట్టవలసి ఉంటుంది. చిన్న నాన్-ఇన్‌స్టిట్యూషనల్ కొనుగోలుదారులు కనీసం 15 లాట్‌లను, పెద్ద నాన్ ఇన్‌స్టిట్యూషనల్ కొనుగోలుదారులు కనీసం 73 లాట్‌లను కొనుగోలు చేయాల్సి ఉంటుంది. BSE, NSE ఎక్స్ఛేంజీలలో దీని లిస్టింగ్ తేదీ అక్టోబర్ 22, 2024.

2. లక్ష్య పవర్‌టెక్ లిమిటెడ్ ఐపీఓ

లక్ష్య పవర్‌టెక్ లిమిటెడ్ ఐపీఓ ద్వారా రూ. 49.91 కోట్లను సమీకరించేందుకు 27.73 లక్షల షేర్లను జారీ చేస్తున్నారు. దీని IPO అక్టోబర్ 16న సబ్‌స్క్రిప్షన్ కోసం తెరవబడుతుంది. అక్టోబర్ 18న ముగుస్తుంది. షేర్ల కేటాయింపు అక్టోబర్ 21న జరుగుతుంది. NSEలో లక్ష్య పవర్‌టెక్ లిమిటెడ్ IPO లిస్టింగ్ అక్టోబర్ 23, 2024న జరుగుతుంది. లక్ష్య పవర్‌టెక్ ఐపీఓ ప్రైస్ బ్యాండ్ ఒక్కో షేరుకు రూ.171-180గా నిర్ణయించబడింది. ఒక లాట్ 800 షేర్లు. రిటైల్ ఇన్వెస్టర్లు కనీసం రూ.1,44,000 ఇన్వెస్ట్ చేయాల్సి ఉంటుంది. ఈ ఇష్యూలో కంపెనీలో పనిచేస్తున్న ఉద్యోగులకు ఇష్యూ ధరపై రూ. 15 తగ్గింపుతో 72,000 షేర్ల వరకు రిజర్వేషన్ లభిస్తుంది.

3. ఫ్రెషరా ఆగ్రో ఎక్స్‌పోర్ట్స్ లిమిటెడ్ ఐపీఓ

ఫ్రెష్రా ఆగ్రో ఎక్స్‌పోర్ట్స్ సంస్థ ఐపీఓ ద్వారా రూ.75.39 కోట్లు సమీకరించాలనుకుంటోంది. ఇందుకోసం కంపెనీ 64.99 లక్షల కొత్త షేర్లను జారీ చేయనుంది. ఫ్రెషరా ఆగ్రో ఎక్స్‌పోర్ట్స్ లిమిటెడ్ ఐపీఓ సబ్‌స్క్రిప్షన్ కోసం అక్టోబర్ 17న మొదలవుతుంది. అక్టోబర్ 21న ముగుస్తుంది. బిడ్డింగ్ ఇన్వెస్టర్లకు షేర్ల కేటాయింపు అక్టోబర్ 22న జరగనుంది. దీని ప్రైస్ బ్యాండ్ ఒక్కో షేరుకు రూ. 110-116గా నిర్ణయించబడింది. కనీస లాట్ పరిమాణం 1,200 షేర్లు. ఈ క్రమంలో రిటైల్ పెట్టుబడిదారులు కనీసం రూ. 139,200 పెట్టుబడి పెట్టవలసి ఉంటుంది. ఫ్రెషరా ఆగ్రో ఎక్స్‌పోర్ట్స్ IPO అక్టోబర్ 24న NSEలో జాబితా చేయబడుతుంది.

ఇవి కూడా చదవండి:

Gold Investment: ఫిజికల్ గోల్డ్ లేదా డిజిటల్ గోల్డ్.. వీటిలో ఏ పెట్టుబడి బెస్ట్

Business Idea: రైల్వేలో ఈ బిజినెస్ చేయండి.. వేల సంపాదనతోపాటు..

Investment Tips: ఒకేసారి రూ. 12 లక్షలు పెట్టుబడి చేసి మరచిపోండి.. ఆ తర్వాత ఎంతవుతుందంటే..

Online Shopping Tips: పండుగల సీజన్‌లో ఆన్‌లైన్‌ షాపింగ్ చేస్తున్నారా.. ఈ జాగ్రత్తలు తప్పనిసరి

SIP Investment: చిరు ఉద్యోగస్తులకు గుడ్‌ న్యూస్.. రూ.99 నుంచే మ్యూచువల్ ఫండ్ పెట్టుబడులు

Read More Business News and Latest Telugu News