Pension Plan: 40 ఏళ్ల వ్యక్తి రూ. 50 వేల పెన్షన్ పొందాలంటే ఎంత జమ చేయాలి..

ABN, Publish Date - Nov 01 , 2024 | 11:20 AM

ఉద్యోగులు పదవీ విరమణ కోసం ఇప్పటి నుంచే ప్లాన్ చేసుకుంటే బెటర్. ఎందుకంటే వయస్సు పెరిగిన కొద్ది చెల్లించే మొత్తం పెరుగుతుంది. అయితే 40 ఏళ్ల వయస్సులో పెన్షన్ పెట్టుబడి చేయడం ప్రారంభిస్తే, రూ. 50,000 పెన్షన్ పొందడానికి ప్రతి నెల ఎంత పెట్టుబడి చేయాలి, ఎన్నేళ్లు చేయాలనే విషయాలను ఇక్కడ తెలుసుకుందాం.

pension plan

పదవీ విరమణ(retirement) తర్వాత తమ భవిష్యత్తును భద్రంగా ఉంచుకోవాలని ప్రతి ఒక్కరు భావిస్తారు. దీని కోసం ఇప్పటి నుంచే ప్లాన్ (pension plan) చేసుకుంటే ఫ్యూచర్లో ఆర్థిక ఇబ్బంది లేకుండా ఉండవచ్చు. ప్రధానంగా ప్రైవేటు ఉద్యోగాలు చేస్తున్న వారికి పదవీ విరమణ తర్వాత ఆదాయ వనరులు ఉండవు. ఇలాంటి పరిస్థితుల్లో మీరు మీ పదవీ విరమణ కోసం సకాలంలో ప్లాన్ చేసుకోవడం చాలా ముఖ్యం. మీరు ఈ విషయంలో ఆలస్యం చేస్తే మీ వృద్ధాప్యంలో డబ్బుల కోసం ఇతరులపై ఆధారపడాల్సి ఉంటుంది. అయితే ప్రస్తుతం 40 ఏళ్ల వయస్సు ఉన్న వ్యక్తి రూ. 50 వేల పెన్షన్ పొందాలంటే నెలకు ఎంత సేవ్ చేయాలి. ఎన్ని సంవత్సరాలు పొదుపు చేస్తే ఆ మొత్తం వస్తుందనే విషయాలను ఇక్కడ తెలుసుకుందాం.

వయసు పరిమితి

NPS అంటే నేషనల్ పెన్షన్ సిస్టమ్. ఈ పథకం ద్వారా మీరు పదవీ విరమణ కోసం ప్లాన్ చేసుకోవచ్చు. ఇది మార్కెట్‌తో అనుసంధానించబడిన ప్రభుత్వ పథకం. ఇది రాబడి మార్కెట్‌పై ఆధారపడి ఉంటుంది. 18 ఏళ్ల నుంచి 70 ఏళ్ల మధ్య ఉన్న ఎవరైనా ఎన్‌పీఎస్‌లో సేవ్ చేసుకోవచ్చు. ఎన్‌పీఎస్‌లో మీరు ఏ సహకారం అందించినా, ఆ డబ్బు రెండు భాగాలుగా విభజించబడింది. పదవీ విరమణ తర్వాత, మీరు మొత్తం కార్పస్‌లో 60% మొత్తాన్ని ఒకేసారి తీసుకోవచ్చు. 40% యాన్యుటీకి వెళుతుంది. ఇది మీ పెన్షన్‌ను సిద్ధం చేస్తుంది. పెన్షన్ ఫండ్ రెగ్యులేటరీ అండ్ డెవలప్‌మెంట్ అథారిటీ (PFRDA) ఈ పథకాన్ని నిర్వహిస్తుంది.

ఎప్పటి వరకు

పదవీ విరమణ తర్వాత మీకు కనీసం రూ. 50,000 పెన్షన్ రావాలనే ఆలోచనతో మీరు 40 ఏళ్ల వయస్సులో ఎన్‌పీఎస్‌లో పెట్టుబడి పెడితే, మీరు అందులో పెట్టుబడి చేయాల్సిన మొత్తం కూడా ఎక్కువగానే ఉంటుంది. ఆ క్రమంలో మీరు 40 ఏళ్ల వయస్సులో నెలకు కనీసం రూ.15,000 పెట్టుబడి పెట్టాలి. ఈ విధంగా మీరు ఈ పెట్టుబడిని 65 సంవత్సరాల వరకు కొనసాగించాలి. అంటే మీరు మొత్తం 25 సంవత్సరాల పాటు రూ.15,000 ఇన్వెస్ట్ చేయాల్సి ఉంటుంది.

వచ్చే మొత్తం

ఈ నేపథ్యంలో మీరు చేసిన మొత్తం పెట్టుబడి రూ. 45,00,000 అవుతుంది. దీనిపై 10% వడ్డీ కూడా లభిస్తే రూ.1,55,68,356 మొత్తం కార్పస్ 45,00,000 + 1,55,68,356 = 2,00,68,356 అవుతుంది. మీరు రూ. 2,00,68,356లో 60% అంటే రూ. 1,20,41,013 ఒకేసారి పొందుతారు. రూ. 80,27,342లో 40% యాన్యుటీలో పెట్టుబడి పెట్టాలి. మీ యాన్యుటీ పెట్టుబడిపై 8% రాబడిని ఊహించినట్లయితే, దీని ప్రకారం మీరు ప్రతి నెలా రూ. 53,516 పెన్షన్‌ పొందుతారు.

ఇవి కూడా చదవండి:

Bank Holidays: నవంబర్ 2024లో బ్యాంక్ సెలవులు.. దాదాపు సగం రోజులు బంద్..

LPG Gas: సామాన్యులకు షాకింగ్.. పెరిగిన ఎల్‌పీజీ గ్యాస్ ధరలు

Investment Tips: ఒకేసారి రూ. 12 లక్షలు పెట్టుబడి చేసి మరచిపోండి.. ఆ తర్వాత ఎంతవుతుందంటే..

Penny Stock: లక్ష పెట్టుబడితో 4 నెలల్లోనే రూ. 670 కోట్లు.. దేశంలోనే ఖరీదైన స్టాక్‌గా రికార్డ్