Aadhaar Lock: మీ ఆధార్ కార్డ్ ఇలా లాక్ చేయండి.. ఎవరూ హ్యాక్ చేయలేరు..

ప్రస్తుతం దేశంలో దాదాపు ప్రతి ఒక్కరికీ ఆధార్ కార్డు ఉంది. ఈ గుర్తింపు కార్డుతో దేశంలోని పౌరులందరికీ ఆధార్ కార్డ్ కూడా ఒక ముఖ్యమైన పత్రంగా ఉంది. అయితే ఆధార్‌ను దుర్వినియోగం చేయవచ్చా, చేయకుండా ఉండాలంటే ఏం చేయాలనే వివరాలను ఇక్కడ తెలుసుకుందాం. ఆధార్ కార్డ్ నంబర్‌ను స్కాం చేయకుండా అరికట్టేందుకు UIDAI ఆధార్ కార్డును లాక్ (Aadhaar Lock) చేసే సదుపాయాన్ని కల్పించింది. అయినప్పటికీ చాలా తక్కువ మందికి మాత్రమే ఈ సౌకర్యం గురించి తెలుసు. ఈ క్రమంలో ఆధార్ కార్డ్‌ని ఎలా లాక్ చేయాలో ఇప్పుడు చుద్దాం.

మీ ఆధార్ కార్డును మొబైల్ నుంచి ఆన్‌లైన్‌లో లాక్ చేయడం ఎలా?

• ముందుగా UIDAI వెబ్‌సైట్ https://uidai.gov.inకి వెళ్లండి

• ఇప్పుడు 'మై ఆధార్' ట్యాబ్‌పై క్లిక్ చేయండి

• ఇప్పుడు ఆధార్ సేవల విభాగంలో 'ఆధార్ లాక్/అన్‌లాక్'పై క్లిక్ చేయండి

• ఇప్పుడు 'లాక్ UID' ఎంపికపై క్లిక్ చేయండి

• ఇప్పుడు మీ ఆధార్ నంబర్, పేరు, పిన్ కోడ్‌ను నమోదు చేయండి

• దీని తర్వాత 'Send OTP'పై క్లిక్ చేయండి

• ఇప్పుడు OTPని నమోదు చేయండి

• దీని తర్వాత మీ ఆధార్ కార్డ్ లాక్ చేయబడుతుంది

SMS ద్వారా ఆధార్‌ని లాక్ చేయడం ఎలా?

• మీ ఆధార్ కార్డ్‌తో అనుసంధానించబడిన మీ మొబైల్ నంబర్ నుంచి మీరు 1947కి మెసేజ్ పంపించాలి

• రిజిస్టర్డ్ మొబైల్ నంబర్ నుంచి GETOTP, ఆధార్ నంబర్ చివరి 4 అంకెలను వ్రాసి 1947కి పంపాలి

• మీ ఆధార్ నంబర్ 123456789012 అయితే, మీరు GETOTP 9012 అని వ్రాసి మెసేజ్ పంపండి

• OTPని స్వీకరించిన తర్వాత, LOCKUID OTPతో పాటు ఆధార్‌లోని చివరి 4 అంకెలను వ్రాయడం ద్వారా సందేశాన్ని పంపించుకోవచ్చు

• మీ ఆధార్ నంబర్ 123456789012, OTP నంబర్ 123456 అయితే మీరు LOCKUID 9012 123456కు పంపాలి.

• ఈ ప్రక్రియల తర్వాత మీ ఆధార్ కార్డ్ లాక్ చేయబడుతుంది

ఈ పద్ధతులను ఉపయోగించండి

UIDAI అధికారిక వెబ్‌సైట్‌ను ఎప్పటికప్పుడు సందర్శించడం ద్వారా మీ ఆధార్ సంబంధిత వివరాలను తనిఖీ చేస్తూ ఉండండి. ఏదైనా అనుమానాస్పద కార్యకలాపాల గురించి మీకు తెలిస్తే వెంటనే చర్యలు తీసుకోవచ్చు. ఏదైనా ఆధార్ సేవ కోసం e-KYC చేస్తున్నప్పుడు అధికారిక, విశ్వసనీయ ప్లాట్‌ఫారమ్‌లను మాత్రమే ఉపయోగించండి.

ఎం ఆధార్ ఉపయోగం

m-Aadhaar యాప్‌లో మీ ప్రొఫైల్‌ను నిర్వహించుకోవచ్చు. దీని ద్వారా మీ డిజిటల్ ఆధార్ కార్డ్ ఎల్లప్పుడూ మీ వద్ద అందుబాటులో ఉంటుంది. దీంతోపాటు భద్రత కూడా ఉంటుంది.

ఇవి కూడా చదవండి:

Personal Finance: మీ అప్పులను ఈ 7 మార్గాల ద్వారా ఈజీగా తీర్చుకోండి..

Bank Holidays: వచ్చే నెలలో 17 రోజులు బ్యాంకులు బంద్.. కారణమిదే..

Recharge Plans: 5 నెలల చౌక ప్లాన్ ప్రకటించిన BSNL.. మిగతా వాటితో పోలిస్తే ధర..

Personal Finance: నెలకు రూ. 5 వేలు సేవ్ చేస్తే.. రూ. 2 కోట్ల కోసం ఎన్నేళ్లు కట్టాలి..

Investment Tips: 20 ఏళ్లలో రూ. 5 కోట్లు సంపాదించాలంటే.. ఏ స్కీంలో పెట్టుబడి చేయాలి..

Read More Business News and Latest Telugu News