Bhavish Aggarwal: బిలియనీర్ క్లబ్‌లో చేరిన ఓలా ఎలక్ట్రిక్ సీఈఓ భవిష్.. కారణమిదే..

భారతదేశంలోని ఎలక్ట్రిక్ వాహనాల ప్రపంచంలో ఓలా ఎలక్ట్రిక్(Ola Electric) మరోసారి తన సత్తాను చాటింది. స్టాక్ మార్కెట్‌లో లిస్టయిన వెంటనే కంపెనీ షేర్లు అద్భుతంగా ర్యాలీ అయ్యాయి. దీంతో ఓలా ఎలక్ట్రిక్ వ్యవస్థాపకుడు, CEO అయిన భవిష్ అగర్వాల్(38)(Bhavish aggarwal) సంపదలో రికార్డు స్థాయిలో పెరిగింది. దీంతో బిలియనీర్ క్లబ్ ఆఫ్ ఇండియాలో ఇప్పుడు భవిష్ అగర్వాల్ కూడా చేరారు. ఓలా ఎలక్ట్రిక్ మొబిలిటీ లిమిటెడ్ శుక్రవారం (ఆగస్టు 9న) స్టాక్ మార్కెట్‌లో లిస్ట్ అయ్యింది. లిస్ట్ అయిన కొద్ది గంటలకే కంపెనీ షేరు ధర 20 శాతం ఎగబాకింది. ఈ క్రమంలో ఓలా ఎలక్ట్రిక్ CEO భవిష్ అగర్వాల్ సంపద రూ. 12,104 కోట్లకు ($1.44 బిలియన్లు) చేరుకుంది. దీంతో పాటు ఇన్వెస్టర్లు కూడా మంచి లాభాలను ఆర్జించారు.

20 శాతం జంప్‌

అయితే ఓలా ఎలక్ట్రిక్ స్టాక్ మార్కెట్లో(stock market) ఫ్లాట్ ఎంట్రీని కలిగి ఉంది. షేరు ధర రూ. 76 వద్ద ప్రారంభమైంది. ఇది ఇష్యూ ధరకు సమానం. ఇది 0.01 శాతం స్వల్ప తగ్గింపుతో రూ.75.99 వద్ద BSEలో జాబితా చేయబడింది. అయితే కొద్ది కాలంలోనే కంపెనీ షేర్లు 17 శాతం పెరిగాయి. ఆ తర్వాత స్టాక్ 20 శాతం జంప్‌తో అప్పర్ సర్క్యూట్‌ను తాకింది. Ola Electric IPO ఆగష్టు 2న ప్రారంభించబడింది. ఇది ఆగస్టు 6 వరకు కొనసాగింది. దీని ఒక్కో షేరు ధర రూ.72-76 మధ్య నిర్ణయించారు. ఈ ఇష్యూ నుంచి కంపెనీ మొత్తం రూ. 6,145.56 కోట్లను సమీకరించింది. ఇందులో రూ. 5,500 కోట్ల విలువైన షేర్లు, 8,49,41,997 షేర్ల ఆఫర్ ఫర్ సేల్ చేశారు.

కర్తవ్యంగా

ఈ విజయంతో తనపై ఉన్న బాధ్యత మరింత పెరిగిందని ఓలా ఎలక్ట్రిక్ CEO భవిష్ అగర్వాల్ అన్నారు. ఈ క్రమంలో మన కలల దేశాన్ని నిర్మించడాన్ని తన కర్తవ్యంగా భావిస్తున్నానని పేర్కొన్నారు. ప్రజాధనం, విశ్వాసానికి అంకితభావంతో నమ్మకమైన సంరక్షకులుగా ఉంటామని వెల్లడించారు. ఇక దేశంలోని బిలియనీర్ జాబితాలో ముకేశ్ అంబానీ ($109 బిలియన్లు), గౌతమ్ అదానీ ($105 బిలియన్లు) అగ్రస్థానంలో ఉన్నారు. వీరు వరుసగా ప్రపంచంలోని 11వ, 12వ ధనవంతులుగా ఉన్నారు. ప్రపంచవ్యాప్తంగా ఉన్న టాప్ 500 బిలియనీర్లలో మహేంద్ర చోక్సీ & కుటుంబం ($5.85 బిలియన్), రాకేష్ గంగ్వాల్ ($6.32 బిలియన్), బెను బంగూర్ ($6.7 బిలియన్), సమీర్ మెహతా ($8.09 బిలియన్), సుధీర్ మెహతా ($8.09 బిలియన్) సహా పలువురు ఉన్నారు.

ఇవి కూడా చదవండి:

Business Idea: పెట్టుబడి లేకుండా వ్యాపారం.. ఏటా 50 లక్షలకుపైగా సంపాదించే ఛాన్స్!

Saving Tips: SBI Fd Vs KVP.. రూ. 5 లక్షలు 10 ఏళ్ల పెట్టుబడికి ఏది బెస్ట్

Saving Scheme: రోజూ ఇలా రూ.200 సేవ్ చేయండి.. రూ.28 లక్షలు పొందండి..

Read More Business News and Latest Telugu News