Ratan Tata: టాటా గ్రూపు ఓనరైన రతన్ టాటా ఆస్తులు ఎంత.. కంపెనీ ప్రాపర్టీ ఎంత..

ABN, Publish Date - Oct 10 , 2024 | 08:43 AM

దేశంలో టాటా గ్రూప్ గురించి అనేక మందికి తెలుసు. అయితే ఈ గ్రూప్ నడుపుతున్న రతన్ టాటాకి ఎంత ఆస్తి ఉందో తెలుసా. ఈ సంస్థ మొత్తం ఆస్తుల విలువ ఎంత అనే విషయాలను ఇక్కడ తెలుసుకుందాం.

Tata group owner Ratan Tata

దేశంలోనే అత్యంత ప్రతిష్టాత్మకమైన పారిశ్రామిక సంస్థ టాటా గ్రూప్(tata group). ఈ సంస్థ అధినేత రతన్ టాటా(Ratan Tata) ఇకపై లేరు. అయితే ఎన్నో కంపెనీలుగా విస్తరించిన టాటా గ్రూప్ ఆస్తులు ఎంత, ఎన్ని లక్షల కోట్లు ఉన్నాయనే విషయాలను ఇక్కడ తెలుసుకుందాం. తరుచుగా వార్తల్లో కనిపించే ధనవంతుల జాబితాను పరిశీలిస్తే కొత్త వ్యాపారవేత్తల సొంత మూలధనం లక్షల కోట్లలో ఉన్నట్లు తెలుస్తుంది. కానీ అదే తరహాలో దేశంలోని ప్రముఖ పారిశ్రామిక గ్రూపు అధినేత రతన్ టాటాకు గురించి మాట్లాడితే లక్షల కోట్ల రూపాయల ఆస్తులు ఉండాలి. మీరు నమ్మలేరు కానీ ఆయన ఆస్తుల గురించి తెలిస్తే షాక్ అవుతారు.

టాటా గ్రూప్ క్యాప్ ఎంత?

ప్రస్తుతం టాటా గ్రూప్ కింద 29 లిస్టెడ్ కంపెనీలు ఉన్నాయి. అవును మీరు విన్నది నిజమే. స్టాక్ మార్కెట్‌లో జాబితా చేయబడిన లిస్టెడ్ కంపెనీలు, వాటి మొత్తం డేటా సాధారణ ప్రజలకు అందుబాటులో ఉంటుంది. ఈ 29 కంపెనీల మొత్తం మార్కెట్ క్యాప్‌ను పరిశీలిస్తే ఆగస్టు 20, 2024 నాటికి దాదాపు 403 బిలియన్ డాలర్లుగా (దాదాపు రూ. 33.7 లక్షల కోట్లు) ఉంది.

రతన్ టాటా నికర విలువ ఎంత?

ఇక రతన్ టాటా సంపద గురించి మాట్లాడినట్లయితే ఆయన కంపెనీలు, ఆదాయాల పరంగా ప్రపంచవ్యాప్తంగా ఎంతో పేరు సంపాదించినప్పటికీ ఆయన మాత్రం స్వయంగా నిరాడంబరమైన వ్యక్తి. IIFL వెల్త్ హురున్ ఇండియా రిచ్ లిస్ట్ 2022 ప్రకారం ఆయన మొత్తం నికర విలువ కేవలం రూ. 3,800 కోట్లు. ఏడాది క్రితం అంటే 2021లో ఆయన మొత్తం సంపద రూ.3,500 కోట్లు మాత్రమే. ఇలాంటి పరిస్థితుల్లో ఆయన మొత్తం ఆస్తులు కంపెనీ మొత్తం ఆస్తుల్లో 0.50 శాతం కూడా లేకపోవడం విశేషం.

రతన్ టాటా సంపద ఎందుకు తక్కువ?

టాటా గ్రూప్ మార్కెట్ క్యాప్ ప్రకారం చూస్తే రతన్ టాటా సంపద ఏమీ లేదు. అయితే సంస్థ ఆదాయం మొత్తం ఎక్కడికి వెళుతుందనే ప్రశ్న అనేక మందికి తలెత్తుతుంది?. టాటా గ్రూప్‌లోని అన్ని కంపెనీలు టాటా ట్రస్ట్ కిందకు వస్తాయి, దీని హోల్డింగ్ కంపెనీ టాటా సన్స్. ఈ సంస్థ తన అన్ని సంస్థల మొత్తం ఆదాయంలో 66 శాతాన్ని స్వచ్ఛంద సేవా కార్యక్రమాలకు ఖర్చు చేస్తుంది. సహజంగానే రతన్ టాటా తన కంపెనీల ఆదాయాలను స్వయంగా తీసుకోకుండా ట్రస్ట్ ద్వారా దేశం, తన ప్రజల కోసం ఖర్చు చేస్తారు.

ఇవి కూడా చదవండి:

Ratan Tata: ఈ ఒక్క కారణంతో.. రతన్ టాటా విదేశాల నుంచి భారత్ వచ్చేశారు..

SIP Investment: చిరు ఉద్యోగస్తులకు గుడ్‌ న్యూస్.. రూ.99 నుంచే మ్యూచువల్ ఫండ్ పెట్టుబడులు

IRCTC: పండుగల సందర్భంగా స్పెషల్ టూర్ ప్యాకేజీ.. తక్కువ ధరకే ప్రసిద్ధ ఆలయాల సందర్శన

Online Shopping Tips: పండుగల సీజన్‌లో ఆన్‌లైన్‌ షాపింగ్ చేస్తున్నారా.. ఈ జాగ్రత్తలు తప్పనిసరి

IRCTC: నవరాత్రుల సందర్భంగా స్పెషల్ టూర్ ప్యాకేజీ.. తక్కువ ధరల్లో సందర్శించండి