Hyderabad: భార్యను హతమార్చి.. గోనె సంచిలో దాచిపెట్టి..
ABN, Publish Date - Jul 13 , 2024 | 10:54 AM
భార్యను హతమార్చి కుమార్తెతో కలిసి పరారైన సంఘటన ఉప్పల్‌ పోలీస్స్టేషన్(Uppal Police Station) పరిధిలోని న్యూభరత్‌నగర్‌లో ఆలస్యంగా వెలుగులోకి వచ్చింది. పోలీసులు తెలిపిన వివరాల ప్రకారం.. ఒడిశాకు చెందిన ప్రదీప్‌బోలా, మధుస్మిత దంపతులు.
- కుమార్తెను తీసుకొని పరార్‌
- ఆలస్యంగా వెలుగులోకి..
హైదరాబాద్: భార్యను హతమార్చి కుమార్తెతో కలిసి పరారైన సంఘటన ఉప్పల్‌ పోలీస్స్టేషన్(Uppal Police Station) పరిధిలోని న్యూభరత్‌నగర్‌లో ఆలస్యంగా వెలుగులోకి వచ్చింది. పోలీసులు తెలిపిన వివరాల ప్రకారం.. ఒడిశాకు చెందిన ప్రదీప్‌బోలా, మధుస్మిత దంపతులు. వీరికి ఒక కుమార్తె. ఉప్పల్‌ న్యూభరత్‌నగర్‌(Uppal New Bharatnagar)లో అద్దె ఇంట్లో ఉంటున్నారు. ప్రదీప్ బోలా స్థానికంగా ఓ హోటల్‌లో చెఫ్‌గా పనిచేస్తున్నాడు. ఆరు రోజులుగా హోటల్‌కు పోలేదు. హోటల్‌ నిర్వాహకులు అద్దె ఇంటి వద్దకు శుక్రవారం రాగా తాళం వేసి ఉంది.
ఇదికూడా చదవండి: Hydanabad: ట్రాన్స్‌జెండర్‌ దారుణహత్య..
గది నుంచి దుర్వాసన వస్తుండడంతో స్థానికులు 100కు డయల్‌ చేశారు. దీంతో పోలీసులు గది తాళం పగలగొట్టి చూసే సరికి బాత్‌రూమ్‌లోని ఓ గోనె సంచిలో మృతదేహం లభించింది. ఇది మధుస్మితదిగా గుర్తించారు. ఐదారు రోజుల క్రితం ప్రదీప్ బోలానే గొంత నులిమి చంపి ఉంటాడని పోలీసులు అనుమానిస్తున్నారు. క్లూస్‌ టీమ్‌ నమూనాలను సేకరించారు. ఉప్పల్‌ పోలీసులు కేసు దర్యాప్తు చేస్తున్నారు.
ఇదికూడా చదవండి: హైదరాబాద్లో కాల్పుల కలకలం.. పోలీసులపై గొడ్డలి, రాళ్లతో యువకుల దాడి
ఇదికూడా చదవండి: మీపై ఫెమా కేసు.. అరెస్ట్‌ తప్పదంటూ బెదిరింపులు
Read Latest Telangana News and National News
Read Latest AP News and Telugu News
Updated Date - Jul 13 , 2024 | 10:54 AM
