Accident: పెళ్లి చేసుకుని తిరిగి వస్తుండగా ఘోర ప్రమాదం.. తుక్కుతుక్కైన వాహనాలు, ఏడుగురు మృతి

ఉత్తర్‌ ప్రదేశ్‌ (Uttar Pradesh) బిజ్నోర్‌లో ఘోర రోడ్డు ప్రమాదం జరిగింది. రోడ్డు ప్రమాదంలో వధూవరులతో సహా ఏడుగురు చనిపోయారు. దీంతోపాటు మరో ఇద్దరు వ్యక్తులు గాయపడ్డారు. ఘటనా స్థలానికి చేరుకున్న పోలీసులు మృతదేహాలను స్వాధీనం చేసుకుని దర్యాప్తు ప్రారంభించారు. క్షతగాత్రులను ఆస్పత్రిలో చేర్పించారు. ఈ ఘటనపై ముఖ్యమంత్రి యోగి ఆదిత్యనాథ్ కూడా విచారం వ్యక్తం చేశారు. బిజ్నోర్ జిల్లాలోని ధాంపూర్ పోలీస్ స్టేషన్‌లోని హరిద్వార్-కాశీపూర్ జాతీయ రహదారిపై ఉన్న ఫైర్ స్టేషన్ సమీపంలో ఈ ప్రమాదం జరిగింది.

కారణమిదేనా..

దట్టమైన పొగమంచు కారణంగా ఆటోను వెనుకనుంచి వచ్చిన కారు బలంగా ఢీకొట్టింది. ఈ ప్రమాదంలో వధూవరులతో సహా ఏడుగురు మృతి చెందారు. మృతుడు ధాంపూర్‌లోని తిబ్రి గ్రామ నివాసిగా గుర్తించారు. ఈ ప్రమాదంలో నలుగురు పురుషులు, ఇద్దరు మహిళలు, ఒక బాలిక మృతి చెందారు. మృతుల్లో వధూవరులు, వరుడి అత్త, వరుడి సోదరుడు, ఆటో డ్రైవర్ సహా ఏడుగురు ఉన్నట్లు సమాచారం. ప్రమాదంలో బాధితురాలి కుటుంబం జార్ఖండ్‌ నుంచి పెళ్లి చేసుకుని మొరాదాబాద్‌కు వచ్చింది. అక్కడి నుంచి ఇంటికి వచ్చేందుకు ఆటో బుక్‌ చేసుకుని వస్తున్న క్రమంలోనే ఈ యాక్సిడెంట్ జరిగింది.

రెండు వాహనాలు కూడా..

జార్ఖండ్ నుంచి తిరిగి వస్తున్న నూతన వధూవరులతో సహా ఏడుగురు వ్యక్తులు మరణించారు. మరొక వాహనాన్ని ఓవర్‌టేక్ చేస్తున్నప్పుడు కారు వెనుక నుంచి వేగంగా వచ్చి టెంపోను ఢీకొనడంతో ప్రమాదం జరిగిందని పోలీసులు తెలిపారు. ధాంపూర్ అగ్నిమాపక కేంద్రం సమీపంలో శనివారం తెల్లవారుజామున 2 గంటల సమయంలో వెనుక నుంచి అతివేగంతో వస్తున్న క్రెటా కారు ఆటోను ఢీకొట్టింది. ఆ క్రమంలో ఆటో ఎదురుగా ఉన్న విద్యుత్‌ స్తంభాన్ని తాకింది. దీంతో ఆటోలో ప్రయాణిస్తున్న ఏడుగురు అక్కడికక్కడే మృతి చెందారు. దట్టమైన పొగమంచుతో క్రెటా కారు డ్రైవర్‌ను ఓవర్‌టేక్ చేయడంతో ఈ ప్రమాదం జరిగిందని పోలీసులు పేర్కొన్నారు.

సీఎం స్పందన

బిజ్నోర్‌లో జరిగిన ఈ రోడ్డు ప్రమాదంలో ప్రాణాలు కోల్పోయిన బాధిత కుటుంబాలకు సీఎం యోగి తీవ్ర సంతాపం వ్యక్తం చేశారు. మృతుల కుటుంబాలకు ఆయన ప్రగాఢ సానుభూతి తెలియజేశారు. ఘటనా స్థలానికి చేరుకుని సహాయక చర్యలను వేగవంతం చేయాలని, క్షతగాత్రులను తక్షణమే ఆసుపత్రికి తరలించి తగు చికిత్స అందించాలని ముఖ్యమంత్రి సంబంధిత జిల్లా అధికార యంత్రాంగాన్ని ఆదేశించారు. అలాగే, క్షతగాత్రులు త్వరగా కోలుకోవాలని ఆకాంక్షించారు. ధాంపూర్ పోలీస్ స్టేషన్ పరిధిలోని తిబారీ గ్రామానికి చెందిన ఖుర్షీద్ అన్సారీ తన కుమారుడు విశాల్ (25)ని, ఖుషీ (22)తో వివాహం కోసం బీహార్ నుంచి తీసుకొచ్చినట్లు గ్రామపెద్ద షమీమ్ అహ్మద్ తెలిపారు. మొరాదాబాద్ నుంచి ఆటోలో ఇంటికి వెళ్తున్నారు. ఆ సమయంలో ఆటోలో మొత్తం ఏడుగురు ప్రయాణిస్తుండగా, అగ్నిమాపక కేంద్రం సమీపంలోకి రాగానే యాక్సిడెంట్ జరిగింది.

ఇవి కూడా చదవండి:

Fire Accident: మెడికల్ కాలేజీలో భారీ అగ్నిప్రమాదం.. 10 మంది చిన్నారులు మృతి

PAN Aadhaar: పాన్ ఆధార్ ఇంకా లింక్ చేయలేదా.. ఇప్పుడే చేసుకోండి, గడవు సమీపిస్తోంది..

Personal Finance: నెలకు రూ. 5 వేలు సేవ్ చేస్తే.. రూ. 2 కోట్ల కోసం ఎన్నేళ్లు కట్టాలి..

Credit Card New Rules: క్రెడిట్ కార్డ్ యూజర్లకు అలర్ట్.. నవంబర్ 15 నుంచి కొత్త రూల్స్..

Read More National News and Latest Telugu News