Paris: ఫ్రాన్స్‌లో డ్రగ్స్‌ గ్యాంగ్‌ బీభత్సం
ABN, Publish Date - May 16 , 2024 | 03:51 AM
విలన్‌ను పోలీసులు అరెస్టు చేసి వ్యాన్‌లో తీసుకువెళ్తారు.. అతని అనుచరులు దారి మధ్యలో కాపుకాసి, వ్యాన్‌ను అడ్డగించి పోలీసులను కాల్చివేసి తమ నాయకుడిని విడిపించుకొని పోతారు.. ఎన్నో సినిమాల్లో ఈ సీన్‌ చూసి ఉంటారు. అచ్చం అదే తరహాలో ఫ్రాన్స్‌లో ఓ గ్యాంగ్‌ తమ నాయకుడిని పోలీసుల నుంచి విడిపించుకుపోయింది. పోలీసుల కాన్వాయ్‌ను ఆపి మిషన్‌ గన్‌లతో కాల్పులు జరిపి తమ నాయకుడిని తీసుకొని పోయింది. ఈ గ్యాంగ్‌ జరిపిన దాడిలో ఇద్దరు సెక్యూరిటీ గార్డులు చనిపోయారు.
పోలీస్‌ కాన్వాయ్‌పై తుపాకులతో దాడి
తమ నాయకుడు ‘ది ఫ్లై’ని తీసుకొని పరార్‌
పారిస్‌, మే 15: విలన్‌ను పోలీసులు అరెస్టు చేసి వ్యాన్‌లో తీసుకువెళ్తారు.. అతని అనుచరులు దారి మధ్యలో కాపుకాసి, వ్యాన్‌ను అడ్డగించి పోలీసులను కాల్చివేసి తమ నాయకుడిని విడిపించుకొని పోతారు.. ఎన్నో సినిమాల్లో ఈ సీన్‌ చూసి ఉంటారు. అచ్చం అదే తరహాలో ఫ్రాన్స్‌లో ఓ గ్యాంగ్‌ తమ నాయకుడిని పోలీసుల నుంచి విడిపించుకుపోయింది. పోలీసుల కాన్వాయ్‌ను ఆపి మిషన్‌ గన్‌లతో కాల్పులు జరిపి తమ నాయకుడిని తీసుకొని పోయింది. ఈ గ్యాంగ్‌ జరిపిన దాడిలో ఇద్దరు సెక్యూరిటీ గార్డులు చనిపోయారు. ముగ్గురు తీవ్రంగా గాయపడ్డారు. ఫ్రాన్స్‌లో మహ్మద్‌ అమ్రా అనే వ్యక్తి ఓ డ్రగ్స్‌ గ్యాంగ్‌కు లీడర్‌. అంతా అతన్ని ‘ది ఫ్లై’ అని పిలుస్తారు. అతడిని పోలీసులు ఇటీవల అరెస్టు చేశారు.
మంగళవారం కోర్టులో విచారణ కోసం రోయూన్‌ పట్టణం నుంచి నార్మండీకి తీసుకువెళ్తుండగా, మార్గమధ్యలో ఓ టోల్‌ బూత్‌ దగ్గర మాటేసిన అతని అనుచరులు ముసుగులు ధరించి కాన్వాయ్‌ను కారుతో ఢీకొట్టారు. కాన్వాయ్‌పై విచక్షణారహితంగా కాల్పులకు తెగబడ్డారు. ఆ తర్వాత ‘ది ఫ్లై’ని తీసుకొని పారిపోయారు. ఈ దాడి ఘటన అంతా టోల్‌ బూత్‌ దగ్గర ఉన్న కెమెరాల్లో రికార్డు అయింది. ఈ ఘటనపై ఫ్రాన్స్‌ అధ్యక్షుడు మేక్రాన్‌ దిగ్ర్భాంతి వ్యక్తం చేశారు. నిందితులను తప్ప శిక్షిస్తామన్నారు. నిందితుల కోసం వేట సాగుతోంది. కాగా, ఫ్రాన్స్‌లో ఇటీవల డ్రగ్స్‌ సంబంధిత నేరాలు బాగా పెరిగిపోయాయి. దీనిపై, ఆ దేశ సెనెట్‌ మంగళవారమే ఓ నివేదిక విడుదల చేసింది.
Updated Date - May 16 , 2024 | 03:51 AM
