Elections: నేడు 7 రాష్ట్రాల్లోని 13 అసెంబ్లీ స్థానాలకు ఉప ఎన్నికలు.. మొదలైన ఓటింగ్

నేడు (జులై 10న) దేశవ్యాప్తంగా ఏడు రాష్ట్రాల్లోని( 7 states) 13 అసెంబ్లీ స్థానాలకు ఉప ఎన్నికలు(by polls) జరుగుతున్నాయి. ఈ క్రమంలో బీహార్‌లో 1, పశ్చిమ బెంగాల్‌లో 4, ఉత్తరాఖండ్‌లో 2, మధ్యప్రదేశ్‌లో 1, పంజాబ్‌లో 1, తమిళనాడులో 1, హిమాచల్‌ప్రదేశ్‌లో 3 స్థానాలకు నేడు పోలింగ్(polling) జరుగుతోంది. ఉదయం 7 గంటల నుంచి ఓటింగ్ మొదలు కాగా, సాయంత్రం 6 వరకు కొనసాగనుంది. లోక్‌సభ ఎన్నికల తర్వాత కొన్ని స్థానాల రాజీనామా, నాయకుల మరణంతో ఖాళీ అయిన ప్రాంతాల్లో ఉప ఎన్నికలు(elections) నిర్వహిస్తున్నారు. వాటిలో ఎమ్మెల్యేలు రాజీనామా చేసినవి 10 సీట్లు ఉండగా, ఎమ్మెల్యేల మరణంతో 3 సీట్లు ఖాళీ అయ్యాయి.

ఈ ప్రాంతాల్లోనే

పశ్చిమ బెంగాల్‌లోని రాయ్‌గంజ్, రణఘాట్ సౌత్, బాగ్దా, మానిక్తలాలో ఉప ఎన్నికలు జరుగుతున్నాయి. ఉత్తరాఖండ్‌లోని బద్రీనాథ్, మంగళూరులో పోలింగ్ జరుగుతోంది. పంజాబ్‌లోని జలంధర్ వెస్ట్ స్థానానికి పోలింగ్ జరుగుతోంది. హిమాచల్ ప్రదేశ్‌లోని డెహ్రా, హమీర్‌పూర్, నలాగఢ్, బీహార్‌లోని రూపాలి, తమిళనాడులోని విక్రవాండి, మధ్యప్రదేశ్‌లోని అమర్‌వాడ, హిమాచల్‌ప్రదేశ్‌లోని డెహ్రా, హమీర్‌పూర్, నలాగఢ్‌లలో ఉప ఎన్నికలు ఉన్నాయి.

లెక్కింపు

అయితే 2024 లోక్‌సభ ఎన్నికల తర్వాత ఎన్‌డీఏ, ఇండియా కూటమి ఎన్నికల్లో పోటీ పడటం ఇదే తొలిసారి. జూలై 13న ఈ ఉప ఎన్నికల ఓట్ల లెక్కింపు జరగనుంది. ఉత్తరాఖండ్‌లోని బద్రీనాథ్ అసెంబ్లీ ఉప ఎన్నికకు ఓటింగ్ జరుగుతోంది. ఈ ఉప ఎన్నికలో ప్రధాన విశేషమేమిటంటే మన, నీటి, ద్రోణగిరి గ్రామాల ప్రజలు తమ గ్రామంలో తొలిసారిగా ఈవీఎంపై ఓటు వేశారు.

12 వేల అడుగుల ఎత్తులో ఉన్న ఈ గ్రామాల్లో తొలిసారిగా ఈవీఎంల ద్వారా ఓటింగ్ జరుగుతుండటం విశేషం. ద్రోణగిరి గ్రామం 12 వేల అడుగుల ఎత్తులో ఉంది. ఇక్కడికి చేరుకోవడానికి పోలింగ్ పార్టీలు ముందుగా జిల్లా కేంద్రమైన గోపేశ్వర్ నుంచి కారులో 100 కి.మీ. ఆ తర్వాత కాలినడకన 10 కి.మీ. వెళ్లారు. ఈ గ్రామంలో 3,838 మంది ఓటర్లు ఉన్నారు.

ఇది కూడా చదవండి:

Weather Update: జులై 13 వరకు ఈ ప్రాంతాల్లో భారీ వర్షాలు.. ఐఎండీ అలర్ట్

National : నకిలీ కంపెనీలు.. బలవంతపు చాకిరీ!

Bhuvaneshwar : పూరీ ‘రత్న భండార్‌’ను 14న తెరవాలి

For Latest News and National News click here