Central Govt : పారిస్‌ వెళ్లేందుకు మాన్‌కు అనుమతివ్వలేం
ABN, Publish Date - Aug 04 , 2024 | 05:45 AM
భారత హాకీ జట్టుకు మద్దతు తెలిపేందుకు పారిస్‌ ఒలింపిక్స్‌ వెళ్లాలని నిర్ణయించుకున్న పంజాబ్‌ సీఎం భగవంత్‌ మాన్‌కు కేంద్రం అనుమతి నిరాకరించింది. పారిస్‌ ఒలింపిక్స్‌లో భారత హకీ జట్టు ఆగస్టు 4న
భద్రతా కారణాల దృష్ట్యా కేంద్రం నిర్ణయం
చండీగఢ్‌, ఆగస్టు 3: భారత హాకీ జట్టుకు మద్దతు తెలిపేందుకు పారిస్‌ ఒలింపిక్స్‌ వెళ్లాలని నిర్ణయించుకున్న పంజాబ్‌ సీఎం భగవంత్‌ మాన్‌కు కేంద్రం అనుమతి నిరాకరించింది. పారిస్‌ ఒలింపిక్స్‌లో భారత హకీ జట్టు ఆగస్టు 4న క్వార్టర్‌ఫైనల్‌ ఆడనుంది. భారత టీంను ప్రోత్సహించేందుకు ఆగస్టు 4-9 వరకు పారిస్‌ వెళ్లాలని భగవంత్‌ మాన్‌ షెడ్యూల్‌ ఖరారు చేసుకున్నారు.
ఈ మేరకు విదేశీ వ్యవహారాల శాఖకు సమాచారం ఇచ్చారు. దౌత్య పాస్‌పోర్టు ఉన్నప్పటికీ జడ్‌ ప్లస్‌ భద్రత ఉన్న మాన్‌కు పొలిటికల్‌ క్లియరెన్స్‌ ఇవ్వడం కుదరదని కేంద్రం చెప్పినట్లు సమాచారం. ఇంత తక్కువ సమయంలో ఆయనకు పారి్‌సలో ఆ స్థాయి ఏర్పాట్లు చేయలేమని దీంతో పర్యటనకు అనుమతి నిరాకరిస్తున్నట్లు సంబంధిత వర్గాలు తెలిపాయి. ‘‘భారత హాకీ జట్టులో ఎక్కువ మంది ఆటగాళ్లు పంజాబీలే. పారిస్‌ వెళ్లేందుకు మాన్‌కు అనుమతివ్వకపోవడం అంటే 3 కోట్ల పంజాబ్‌ ప్రజల మనోభావాలను కేంద్రం అవమానించడమే’’ అని ఆప్‌ పేర్కొంది. ఆగస్టు 4-7 వరకు అమెరికాలో జరిగే శాసనసభ స్పీకర్ల భేటీలో పాల్గొనేందుకు పంజాబ్‌ స్పీకర్‌ కుల్టర్‌కు కూడా కేంద్రం అనుమతి ఇవ్వలేదు.
Updated Date - Aug 04 , 2024 | 05:45 AM
