Chennai: కొత్తరకం కరోనా వైరస్పై ఆందోళన వద్దు...
ABN, Publish Date - May 22 , 2024 | 11:38 AM
సింగపూర్‌లో తాజాగా వ్యాపిస్తున్న కొత్త రకం కరోనా వైరస్(Corona virus), రాష్ట్రంలో ఇదివరకే వ్యాపించిన జేఎన్‌1 రకం వైరస్ రూపాంతరమేనని, అందువల్ల కొత్త రకం వైర్‌సతో భయపడాల్సిన అవసరం లేదని ఆరోగ్యశాఖ ప్రకటించింది.
- ఆరోగ్యశాఖ
చెన్నై: సింగపూర్‌లో తాజాగా వ్యాపిస్తున్న కొత్త రకం కరోనా వైరస్(Corona virus), రాష్ట్రంలో ఇదివరకే వ్యాపించిన జేఎన్‌1 రకం వైరస్ రూపాంతరమేనని, అందువల్ల కొత్త రకం వైర్‌సతో భయపడాల్సిన అవసరం లేదని ఆరోగ్యశాఖ ప్రకటించింది. రాష్ట్రంలో రెండేళ్లుగా కరోనా వ్యాప్తి పూర్తిగా నియంత్రణలోకి వచ్చింది. ప్రస్తుతం చెన్నై, తిరువళ్లూర్‌, కాంచీపురం, చెంగల్పట్టు, కోయంబత్తూర్‌, తిరుప్పూర్‌, ఈరోడ్‌ తదితర జిల్లాలకు చెందిన 14 మంది మాత్రమే కరోనా స్వల్ప లక్షణాలతో చికిత్స పొందుతున్నారు. ఈ నేపథ్యంలో, సింగపూర్‌(Singapore) దేశంలో కొత్త రకం కరోనా వైరస్ వ్యాప్తి కారణంగా, ఒకే వారంలో 26,000 మందికి ఈ లక్షణాలు నిర్ధారణ అయ్యాయి. దీంతో, ఈ కొత్త రకం వైర్‌సను నియంత్రించేలా ప్రజలందరూ తప్పకుండా మాస్క్‌లు ధరించాలని ఆ దేశ ప్రభుత్వం ఆదేశించింది. తమిళనాడు-సింగపూర్‌(Tamil Nadu-Singapore) మధ్య పారిశ్రామికంగా, వాణిజ్య పరంగా మంచి సంబంధాలుండడంతో వందలాదిమంది తరచూ ప్రయాణిస్తుంటారు.
ఇదికూడా చదవండి: Hyderabad: క్రెడిట్‌ కార్డు లిమిట్‌ పెంచుతామంటూ మోసం...
ఈ కారణంగా రాష్ట్రంలోనూ కొత్త రకం కరోనా వైరస్ ప్రబలే అవకాశముందని ప్రజలు ఆందోళన చెందుతున్నారు. ఈ విషయమై ఆరోగ్యశాఖ డైరెక్టర్‌ సెల్వవినాయగం మాట్లాడుతూ... సింగపూర్‌లో ప్రస్తుతం వ్యాపిస్తున్న కేపీ.1, కేపీ2 రకానికి చెందిన కరోనా వైర్‌స అని, ఒమైక్రాన్‌ జేఎన్‌1 తరహాలోనే ఈ వైర్‌స రూపాంతరం చెందాయని తెలిపారు. రాష్ట్రంలో జేఎన్‌1 రకం కరోనా వైరస్ లక్షణాలు ఫిబ్రవరిలోనే కనుగొన్నామన్నారు. అందువల్ల ఆ దేశంలో వ్యాపిస్తున్న కొత్త రకం వైరస్ ప్రభావం రాష్ట్రంలో ఉండే అవకాశం లేదన్నారు. కొత్త రకం వైరస్ వ్యాప్తిపై ప్రజలు భయాందోళనలు చెందాల్సిన అవసరం లేదన్నారు. కానీ, ముందస్తు జాగ్రత్తగా తరచూ చేతులు శుభ్రం చేసుకోవడం, భౌతిక దూరం పాటించడం, ఇతర వ్యాధులున్న వారు, వృద్ధులు మాస్క్‌ ధరించడం తదితరాలు పాటిస్తే మంచిదని ఆయన తెలిపారు.
ఇదికూడా చదవండి: Hyderabad: మీపై ఫెమా కేసు.. అరెస్ట్‌ తప్పదంటూ బెదిరింపులు
ఇదికూడా చదవండి: Hyderabad: పోలింగ్‌ రోజున.. తగ్గిన పొల్యూషన్‌
Read Latest Telangana News and National News
Read Latest AP News and Telugu News
Updated Date - May 22 , 2024 | 11:38 AM
