Chennai: హీరో విజయ్‌ పార్టీలో చేరిన నటుడు నాజర్‌ తనయుడు..
ABN, Publish Date - Mar 14 , 2024 | 12:37 PM
ప్రముఖ సినీనటుడు, నడిగర్‌ సంఘం అధ్యక్షుడు నాజర్‌(Nazar) తనయుడు నూరుల్‌ హసన్‌ ఫైజల్‌ సినీ నటుడు విజయ్‌(Vijay) ప్రారంభించిన తమిళగ వెట్రిక్కళగంలో చేరారు.
చెన్నై: ప్రముఖ సినీనటుడు, నడిగర్‌ సంఘం అధ్యక్షుడు నాజర్‌(Nazar) తనయుడు నూరుల్‌ హసన్‌ ఫైజల్‌ సినీ నటుడు విజయ్‌(Vijay) ప్రారంభించిన తమిళగ వెట్రిక్కళగంలో చేరారు. ఆ మేరకు ఆన్‌లైన్‌లో సభ్యత్వం పొందారు. 2014లో నూరుల్‌హసన్‌ ఫైజల్‌(Nurul Hasan Faizal) ఈసీఆర్‌లో కారు ప్రమాదంలో తీవ్రంగా గాయపడ్డారు. ఆ సందర్భంగా విజయ్‌ ఆయన్ను పరామర్శించారు. అప్పటి నుంచి వీరి మధ్య సన్నిహిత సంబంధాలు కొనసాగుతున్నాయి. ఈ నేపథ్యంలో ఈ నెల 8న పయనూరులోని టీవీకే కార్యాలయంలో సభ్యత్వ కార్యక్రమం ఆన్‌లైన్‌ ద్వారా ప్రారంభమైంది. పదిహేను గంటలలోపే 50లక్షల మంది సభ్యత్వం తీసుకున్నట్టు ఆ పార్టీ ప్రధాన కార్యదర్శి బుస్సీ ఆనంద్‌ తెలిపారు. ఆ సమయంలోనే నూరుల్‌హసన్‌ ఫైజల్‌ కూడా ఆన్‌లైన్‌ ద్వారా పార్టీ సభ్యత్వం స్వీకరించారు. ఈ విషయాన్ని ఆయన తల్లి కమీలా నాజర్‌ తన ఎక్స్‌పేజీలో ఓ సందేశంగా వెలువరించారు.
Updated Date - Mar 14 , 2024 | 12:37 PM
