Intermediate Student:బస్సు దిగబోతూ చక్రాల కిందపడి..
ABN, Publish Date - Jun 15 , 2024 | 05:37 AM
ఆర్టీసీ బస్సు దిగుతుండగా కాలు జారి దాని చక్రాల కింద పడి ఇంటర్‌ ఫస్టియర్‌ విద్యార్థిని దుర్మరణం పాలైంది. ఈ ఘటనకు సంబంధించిన వీడియో సోషల్‌ మీడియాలో వైరల్‌గా మారింది. శుక్రవారం హైదరాబాద్‌లోని యూసు్‌ఫగూడ చెక్‌పోస్ట్‌ వద్ద ఈ ప్రమాదం చోటుచేసుకుంది.
ఇంటర్‌ విద్యార్థిని దుర్మరణం
యూసు్‌ఫగూడ, జూన్‌ 14 (ఆంధ్రజ్యోతి): ఆర్టీసీ బస్సు దిగుతుండగా కాలు జారి దాని చక్రాల కింద పడి ఇంటర్‌ ఫస్టియర్‌ విద్యార్థిని దుర్మరణం పాలైంది. ఈ ఘటనకు సంబంధించిన వీడియో సోషల్‌ మీడియాలో వైరల్‌గా మారింది. శుక్రవారం హైదరాబాద్‌లోని యూసు్‌ఫగూడ చెక్‌పోస్ట్‌ వద్ద ఈ ప్రమాదం చోటుచేసుకుంది. బోరబండ సబ్దార్‌నగర్‌కు చెందిన మహ్మద్‌ సలీముద్దీన్‌కు నలుగురు కుమార్తెలు, ఒక కుమారుడున్నారు. అయితే ఆయన ఇద్దరు కుమార్తెలు జవేరియా మెహక్‌, మసీరా మెహ్రీన్‌ (16) యూసు్‌ఫగూడ చెక్‌పోస్టు సమీపంలోని మాస్టర్‌ జూనియర్‌ కాలేజీలో ఇంటర్‌ చదువుతున్నారు.
అక్కాచెల్లెలు కాలేజీ అయిపోగానే మధ్యాహ్నం ఇంటికెళ్లేందుకు చెక్‌పోస్టు వద్దకు చేరుకున్నారు. సికింద్రాబాద్‌ నుంచి బోరబండ వెళ్తున్న బస్సు రాగానే మెహ్రీన్‌ బస్సు ఎక్కింది.. రద్దీగా ఉండటంతో మెహక్‌ ఎక్కలేకపోయింది. దీంతో బస్సు కదులుతుండగానే అక్క కోసం మెహ్రీన్‌ ఫుట్‌బోర్డు నుంచి దిగుతుండగా కాలు జారి కిందపడింది. ఆమెపై నుంచే బస్సు వెళ్లడంతో అక్కడికక్కడే మృతి చెందింది. బస్సు వెనకాలే పరుగున వచ్చిన మెహక్‌ అది చూసి నిర్ఘాంతపోయింది. బస్సు చక్రాల కిందపడి నలిగిన చెల్లెలిని చూసి గుండెలవిసేలా రోదించింది. స్థానికుల సమాచారంతో ఘటన స్థలానికి చేరుకున్న పోలీసులు పంచనామా నిర్వహించి.. మృతదేహాన్ని పోస్టుమార్టం నిమిత్తం గాంధీ ఆస్పత్రికి తరలించారు.
Updated Date - Jun 15 , 2024 | 05:37 AM
