Himachal Crisis: కాంగ్రెస్ మంత్రి రాజీనామా, 15 మంది బీజేపీ ఎమ్మెల్యేలు సస్పెండ్
ABN, Publish Date - Feb 28 , 2024 | 12:29 PM
ముఖ్యమంత్రి సుఖ్వీందర్ సింగ్ సుఖు నాయకత్వంపై అసంతృప్తితో ఉన్న కాంగ్రెస్ నేత విక్రమాదిత్య సింగ్ పబ్లిక్ వర్క్స్ మంత్రి పదవికి రాజీనామా చేశారు. మరోవైపు హిమాచల్ ప్రదేశ్ అసెంబ్లీలో బీజేపీ(BJP) నేతల నినాదాల కారణంగా స్పీకర్ కుల్దీప్ సింగ్ పఠానియా కీలక నిర్ణయం తీసుకున్నారు.
హిమాచల్(Himachal pradesh)లోని కాంగ్రెస్ పార్టీ ప్రభుత్వం మరింత కష్టాల్లో పడింది. తాజాగా కాంగ్రెస్ మంత్రి విక్రమాదిత్య సింగ్(Vikramaditya Singh) తన పదవికి రాజీనామా చేశారు. హిమాచల్ ప్రదేశ్ కాంగ్రెస్ చీఫ్ ప్రతిభాసింగ్ కుమారుడు విక్రమాదిత్య సింగ్ ఈ మేరకు ప్రకటించారు. ఈ ప్రభుత్వంలో కొనసాగే హక్కు తనకు లేదని వెల్లడించారు. నేను ఎవరికీ భయపడను, ఎక్కడ తప్పు జరిగినా మాట్లాడుతానని ఈ సందర్భంగా వెల్లడించారు. మేము ప్రియాంక గాంధీతో మాట్లాడామని మాజీ ముఖ్యమంత్రి దివంగత వీరభద్ర సింగ్ కుమారుడు విక్రమాదిత్య సింగ్ అన్నారు. ఈ విషయాన్ని పార్టీ పరిశీలిస్తుందని భావిస్తున్నానని చెప్పారు.
ఇప్పుడు బంతి పార్టీ హైకమాండ్ వద్ద ఉందా, ప్రభుత్వం ఉందా లేదా అనే దానితో మాకు సంబంధం లేదని విక్రమాదిత్య(Vikramaditya) చెప్పారు. ప్రభుత్వం ఎందుకు పడిపోయిందని మాకు తెలియదు. ఈ విషయాన్ని హైకమాండ్ పరిశీలించాలని కోరారు. మా గొంతును అణచివేయడానికి ప్రయత్నిస్తున్నారని మేము దానిని సహించలేమని విక్రమాదిత్య అన్నారు. ఇంతకుమించి ఎలా ముందుకు వెళ్లాలో కాలమే సమాధానం చెబుతుందని చెప్పారు. జరుగుతున్న సంఘటనలు దురదృష్టకరమని పేర్కొన్నారు.
యువత హామీలు నెరవేర్చలేదు. నాయకత్వాన్ని, ముఖ్యమంత్రిని ఎప్పటి నుంచో గౌరవిస్తాం. ఈరోజు పోరాడేందుకు ఇక్కడికి రాలేదన్నారు. నేను పార్టీ క్రమశిక్షణ కలిగిన కార్యకర్తను. రాష్ట్రంలో ఎమ్మెల్యేలను విస్మరించారు. దాని ఫలితమే నేడు ఇలా జరిగిందని అభిప్రాయం వ్యక్తం చేశారు. ఎన్నికైన ప్రభుత్వం నడుస్తోంది. రాష్ట్రంలో ఆర్థిక అవకతవకలు చోటుచేసుకున్నాయని ఆరోపించారు. ఈ విషయాన్ని పార్టీ(congress) హైకమాండ్ ముందుంచామన్నారు. సమిష్టి నాయకత్వంలో అసెంబ్లీ ఎన్నికలు జరిగాయన్నారు.
మరోవైపు హిమాచల్ ప్రదేశ్ అసెంబ్లీలో బీజేపీ(BJP) నేతల నినాదాల కారణంగా స్పీకర్ కుల్దీప్ సింగ్ పఠానియా కీలక నిర్ణయం తీసుకున్నారు. ప్రతిపక్ష నాయకుడు జై రామ్ ఠాకూర్ సహా 15 మంది బీజేపీ ఎమ్మెల్యేలను సస్పెండ్ చేశారు. దీంతో సభ వాయిదా పడింది. శాసనసభ ఛాంబర్‌లో నినాదాలు చేయడం వంటి ఆందోళనల నేపథ్యంలో వారిని సస్పండ్ చేశారు.
మరిన్ని తాజా వార్తల కోసం ఇక్కడ క్లిక్ చేయండి: Rajiv Gandhi Assassination: రాజీవ్‌ గాంధీ హత్య కేసు దోషి మృతి
Updated Date - Feb 28 , 2024 | 12:29 PM
