India Stands: ఉగ్రదాడిని తీవ్రంగా ఖండించిన భారత్.. పిరికి చర్యగా పేర్కొన్న
ABN, Publish Date - Mar 23 , 2024 | 11:08 AM
రష్యా(russia) రాజధాని మాస్కో(moscow)లోని క్రాకాస్ సిటీ కాన్సర్ట్ హాల్‌లో శుక్రవారం రాత్రి జరిగిన కాల్పుల ఘటనను భారత ప్రధాని నరేంద్ర మోదీ(narendra Modi) తీవ్రంగా ఖండించారు. ప్రధాని మోదీ సోషల్ మీడియా 'ఎక్స్' వేదికగా ఈ మేరకు పేర్కొన్నారు.
రష్యా(russia) రాజధాని మాస్కో(moscow)లోని క్రాకాస్ సిటీ కాన్సర్ట్ హాల్‌లో శుక్రవారం రాత్రి జరిగిన కాల్పుల ఘటనను భారత ప్రధాని నరేంద్ర మోదీ(narendra Modi) తీవ్రంగా ఖండించారు. ప్రధాని మోదీ సోషల్ మీడియా 'ఎక్స్' వేదికగా ఈ మేరకు పేర్కొన్నారు. ''మాస్కోలో జరిగిన ఘోరమైన ఉగ్రవాద దాడి(terrorist attack)ని మేము తీవ్రంగా ఖండిస్తున్నాము. ఈ విషాద సమయంలో భారతదేశం రష్యన్ ఫెడరేషన్ ప్రభుత్వానికి, అక్కడి ప్రజలకు సంఘీభావంగా నిలుస్తుందని'' తెలిపారు.
మరోవైపు దీనిని "హేయమైన, పిరికి ఉగ్రవాద దాడి"గా ఐక్యరాజ్యసమితి భద్రతా మండలి(United Nations Security Council) పేర్కొంది. దీంతోపాటు ఈ ఘటనపై అమెరికా, యూరోపియన్ యూనియన్, బ్రిటన్, ఫ్రాన్స్, స్పెయిన్, యునైటెడ్ అరబ్ ఎమిరేట్స్, ఐక్యరాజ్యసమితి కూడా సంతాపం వ్యక్తం చేశాయి. ఈ క్రూరమైన దాడికి ఉగ్రవాద సంస్థ ఐఎస్ఐఎస్ బాధ్యత వహించింది. ఈ దాడిలో ఇప్పటివరకు 60 మందికి పైగా మరణించగా, 140 మందికి పైగా గాయపడ్డారు.
ఈ దాడిలో గాయపడిన వారు త్వరగా కోలుకోవాలని రష్యా అధ్యక్షుడు పుతిన్(putin) ఆకాంక్షించారు. పుతిన్ 6 సంవత్సరాలకు కొత్త పదవీకాలానికి తిరిగి ఎన్నికైన క్రమంలో ఈ దాడి జరగడం ప్రస్తుతం హాట్ టాపిక్‌గా మారింది. క్రెమ్లిన్ ప్రకారం దాడి జరిగిన వెంటనే పుతిన్‌కు సమాచారం అందించారు. ఆ క్రమంలో అప్రమత్తమైన పుతిన్ అదనంగా దళాలను పంపించారు. దీంతోపాటు రష్యా విమానాశ్రయాలు, ప్రయాణ కేంద్రాలు సహా రాజధాని అంతటా భద్రతను కట్టుదిట్టం చేశారు.
అయితే మాస్కోలో ఉగ్రవాదులు మార్చి 7న పెద్ద సమావేశాలను లక్ష్యంగా చేసుకోవచ్చని, ఈ దాడిలో సంగీత కచేరీలు కూడా ఉన్నాయని బహిరంగ హెచ్చరికలు జారీ చేశామని అమెరికా(america) జాతీయ భద్రతా మండలి చెబుతోంది. కానీ రష్యా అధ్యక్షుడు వ్లాదిమిర్ పుతిన్ దీనిని కొట్టిపారేశారు.
మరిన్ని తాజా వార్తల కోసం ఇక్కడ క్లిక్ చేయండి: Attack Video: కాన్సర్ట్ హాల్‌పై కాల్పులు.. 60 మంది మృతి, 115 మందికి గాయాలు
Updated Date - Mar 23 , 2024 | 11:09 AM
